គិតមកទល់យប់ថ្ងៃទី២៦ខែសីហាតាមម៉ោងតំបន់ ចំនួនជនរងគ្រោះស្លាប់ក្នុងគ្រោះរញ្ជួយដីនៅភាគកណ្តាលអ៊ីតាលីបានឡើងដល់២៨១នាក់។
នាយកដ្ឋានកិច្ចការពារពលរដ្ឋស៊ីវិលអ៊ីតាលីបានបង្ហាញថា នៅឃុំAmatriceដែលរងគ្រោះធ្ងន់ធ្ងរជាងគេក្នុងគ្រោះរញ្ជួយដីលើកនេះ នៅមានមនុស្សចំនួន១៥កំពុងបាត់ខ្លួន។ ទោះបីជាជិតដល់ពេលកំណត់ប្រើសរបំផុតនៃរយៈពេល៧២ម៉ោងសម្រាប់ការជួយសង្រ្គោះក្នុងគ្រោះរញ្ជួយដីក្តី ក៏ការងារជួយសង្រ្គោះនៅតែកំពុងដំណើរយ៉ាងមមាញឹកដដែល។
នាថ្ងៃដដែលនោះ នាយករដ្ឋមន្រ្តីអ៊ីតាលីបានប្រកាសយកថ្ងៃទី២៧ខែសីហាជាថ្ងៃកាន់ទុក្ខទូទាំងប្រទេស នៅតាមទីកន្លែងសាធារណៈបានបង្ហូតទង់ជាតិត្រឹមពាក់កណ្តាលដង។ លោកថ្លែងថានឹងសកម្មរៀបចំចាត់ចែងការងារកសាងតំបន់រងគ្រោះឡើងវិញ ដើម្បីធ្វើឲ្យទីក្រុងនិងឃុំដែលត្រូវកសាងឡើងវិញនោះមានសុវត្ថិភាពផងនិងរក្សាទុកនូវប្រពៃណីដើមផង។
គួរបញ្ជាក់ថា នាព្រឹកព្រលឹមថ្ងៃទី២៤ខែសីហា នៅខេត្តLazioជាតំបន់ភាគកណ្តាលប្រទេសអ៊ីតាលីបានកើតមានគ្រោះរញ្ជួយដីកម្រិត៦,០រិច្ឆទ័រ បន្ទាប់មកតំបន់នៅក្បែរនោះក៏កើតមានគ្រោះរញ្ជួយដីកម្រិត៥,៤រិច្ឆទ័រផងដែរ។ ក្រៅពីនេះ ក្រុងរ៉ូមនិងក្រុងNaplesជាដើមក៏សុទ្ធតែមានកើតគ្រោះរញ្ជួយដីដែរ។
