ថ្ងៃទី ២៦ខែសីហា បក្សពលករKurdistan បានឆ្លងតាមរយៈវេបសាយរបស់ខ្លួនអះអាងថា ខ្លួនជាអ្នកបង្ករឿងវាយប្រហារដោយការបំផ្ទុះនៅស្នងការដ្ឋាននគរបាលខេត្តSirnak និងបានបណ្តាលឲ្យប៉ូលិសចំនួន ១១ នាក់ស្លាប់ក្នុងថ្ងៃដដែលនោះ ។
ក្នុងសេចក្តីថ្លែងការណ៍ បក្សពលករKurdistan នៅបានអះអាងទៀតថា ពេលធ្វើការវាយប្រហារទៅលើក្បួនរថយន្តប៉ូលិសមួយនៅខេត្តArtvin ប្រទេសតួកគីនៅថ្ងៃទី ២៥ ខែសីហា បក្សពលករKurdistan មិនដឹងថា លោកKemal Kilicdaroglu ថ្នាក់ដឹកនាំនៃបក្សប្រជាជនសាធារណរដ្ឋក៏នៅក្នុងក្បួនរថយន្តនោះទេ ពោលគឺគ្មានបំណងវាយប្រហារទៅលើលោក Kilicdaroglu នោះឡើយ ។ បក្សពលករKurdistan ក៏បានទាមទារឲ្យដោះលែងលោកAbdullah Ocalan ជាថ្នាក់ដឹកនាំខ្លួនដែលត្រូវចាប់ខ្លួននោះផងដែរ ៕