ថ្ងៃទី ២៥ ខែសីហា លោកLu Kang អ្នកនាំពាក្យក្រសួងការបរទេសចិនបានថ្លែងក្នុងសន្និសីទកាសែតជាប្រចាំថា ប្រទេសមីយ៉ាន់ម៉ាជាប្រទេសជិតខាងដ៏មេត្រីភាពរបស់ប្រទេសចិន ភាគីចិនសូមសម្តែងការអាណិតអាសូរនិងការសួរសុខទុក្ខចំពោះប្រទេសមីយ៉ាន់ម៉ាដែលមានប្រជាពលរដ្ឋរងគ្រោះនិងរងការខូចខាតខាងទ្រព្យសម្បត្តិក្នុងគ្រោះរញ្ជួយដី ហើយរីករាយក្នុងការផ្តល់ជំនួយចាំបាច់ចំពោះភាគីមីយ៉ាន់ម៉ាទៅតាមស្ថានភាពរងគ្រោះនិងតម្រូវការរបស់ភាគីមីយ៉ាន់ម៉ា ។
ថ្ងៃទី ២៥ ខែសីហា រដ្ឋាភិបាលមីយ៉ាន់ម៉ាបានបញ្ជាក់ថា គិតរហូតដល់ថ្ងៃត្រង់ក្នុងថ្ងៃដដែល គ្រោះរញ្ជួយដីកម្រិត ៦,៨ រិច្ឆទ័រដែលកើតឡើងនៅតំបន់ភាគកណ្តាលរបស់មីយ៉ាន់ម៉ាកាលពីថ្ងៃទី ២៤ ខែសីហាបានបណ្តាលឲ្យមនុស្ស ៣ នាក់ស្លាប់បាត់បង់ជីវិត និង ២ នាក់ទៀតរងរបួស ព្រមនិងមានប្រាសាទបុរាណរាប់រយរងការខូចខាត ។ លោកU Zaw Htayអ្នកនាំពាក្យទីស្តីការប្រធានាធិបតីមីយ៉ាន់ម៉ាបានថ្លែងថា ថ្ងៃដដែល លោកU Htin Kyaw ប្រធានាធិបតីមីយ៉ាន់ម៉ាបានដឹកនាំរដ្ឋមន្រ្តីប៉ុន្មានរូបអញ្ជើញទៅដល់ខេត្តម៉ាន់ដេឡេ ដើម្បីធ្វើការត្រួតពិនិត្យអំពីស្ថានភាពរងគ្រោះនិងកិច្ចការជួយសង្រ្គោះក្នុងតំបន់នោះ ៕