ថ្ងៃទី២៦ ខែកក្កដា លោកWangYiរដ្ឋមន្ត្រីក្រសួងការបរទេសចិនបានអញ្ជើញចូលរួមសន្និសីទរដ្ឋមន្ត្រីក្រសួងការបរទេសអាស៊ានបូកចិន ជប៉ុននិងកូរ៉េខាងត្បូង ហៅកាត់ ១០បូក៣នៅទីក្រុងវៀងចន្ទន៍ប្រទេសឡាវ។
លោកWangYiថ្លែងថា កិច្ចសហប្រតិបត្តិការរវាងអាស៊ានបូកចិន ជប៉ុននិងកូរ៉េខាងត្បូងបានក្លាយទៅជាយន្តការដ៏ចាស់ទុំបំផុតមួយសម្រាប់យន្តការសហប្រតិបត្តិការក្នុងតំបន់អាស៊ីបូព៌ា។ក្នុងនាមជាមធ្យោបាយដ៏សំខាន់នៃកិច្ចសហប្រតិបត្តិការអាស៊ីបូព៌ា សន្និសីទ១០បូក៣បានផ្តល់ការគាំទ្រដ៏រឹងមាំដល់ការធ្វើសមាហរណកម្មសេដ្ឋកិច្ចនៅអាស៊ីបូព៌ា ហើយដើរតួនាទីសំខាន់ៗសម្រាប់ប្រទេសនានាបង្កើនការយល់ដឹងពីគ្នា ធ្វើឲ្យកិច្ចសហប្រតិបត្តិការកាន់តែស៊ីជម្រៅក៏ដូចជាទបទល់នឹងការសាកល្បងផ្សេងៗស្ថិតក្រោមស្ថានការណ៍អន្តរជាតិបច្ចុប្បន្ននេះ ការបន្តរក្សានិន្នាការអភិវឌ្ឍន៍នៃកិច្ចសហប្រតិបត្តិការមានអត្ថន័យសំខាន់ណាស់។ភាគីនានាត្រូវប្រកាន់ខ្ជាប់ការធ្វើសមាហរណកម្មដែលសមស្របទៅនឹងស្ថានការណ៍ជាក់ស្តែងនៅក្នុងតំបន់ ប្រកាន់ខ្ជាប់ការគិតគូរដល់ភាពសុខស្រួលរបស់ភាគីនានា ប្រកាន់ខ្ជាប់ការធ្វើឲ្យដំណើការសមាហរណកម្មមានអំណោយផលដល់ភាគីនានា ធានាជាក់លាក់នូវការកសាងសហគមន៍សេដ្ឋកិច្ចអាស៊ីបូព៌ាឲ្យដើរតាមផ្លូវប្រកបដោយភាពបរិសុទ្ធ ស្ថិរភាពនិងមាននិរន្តរភាព៕
