ថ្ងៃទី ២៤ ខែកក្កដា លោកWangyi រដ្ឋមន្ត្រីការបរទេសចិនបានជួបពិភាក្សាការងារជាមួយលោកប្រាក់ សុខុន ទេសរដ្ឋមន្ត្រីនិងជារដ្ឋមន្ត្រីក្រសួងការបរទេសនិងសហប្រតិបត្តិការអន្តរជាតិកម្ពុជានៅក្រុងវៀងចន្ទន៍ប្រទេសឡាវ ។
លោកWangyi បានថ្លែងថា ភាគីចិនសូមកោតសរសើរខ្ពស់ចំពោះប្រទេសអាស៊ាន ដូចជាកម្ពុជាជាដើមដែលបានគាំពារយុត្តិធម៌និងសច្ចធម៌លើបញ្ហាសមុទ្រចិនខាងត្បូង ។ ប្រវត្តិសាស្ត្រនឹងបញ្ជាក់ថា គោលជំហររបស់ភាគីកម្ពុជាគឺត្រឹមត្រូវ ដែលវាមិនគ្រាន់តែមានអំណោយផលដល់ការគាំពារសាមគ្គីភាពរបស់អាស៊ាន និងគាំពារតួនាទីដឹកនាំរបស់អាស៊ានក្នុងកិច្ចសហការក្នុងតំបន់ប៉ុណ្ណោះទេ ប៉ុន្តែថែមទាំងមានអំណោយផលដល់ការគាំពារកិច្ចសហប្រតិបត្តិការរវាងចិននិងអាស៊ានព្រមនិងស្ថានការណ៍សន្តិភាពនិងស្ថិរភាពក្នុងតំបន់ទៀតផង ។ ភាគីចិនរីករាយរួមសហការជាមួយភាគីកម្ពុជានិងប្រទេសអាស៊ាន អនុវត្តសេចក្តីប្រកាសប្រតិបត្តិការបណ្តាភាគីសមុទ្រចិនខាងត្បូងដោយគ្រប់ជ្រុងជ្រោយនិងមានប្រសិទ្ធភាព និងដោះស្រាយវិវាទរបស់សាមីប្រទេសពាក់ព័ន្ធដោយសន្តិវិធីតាមរយៈកិច្ចសន្ទនានិងការពិគ្រោះពិភាក្សា ។