តាមប្រព័ន្ធសារព័ត៌មានជប៉ុនផ្សាយនៅថ្ងៃទី៨ខែសីហាឲ្យដឹងថា លោកShinzo Abeនាយករដ្ឋមន្ត្រីជប៉ុនបានសម្រេចថានឹងប្រកាស"សេចក្តីថ្លែងការណ៍Abe"នៃខួបឆ្នាំទី៧០ក្រោយសង្គ្រាមតាមសេចក្តីសម្រេចចិត្តរបស់គណៈរដ្ឋមន្ត្រីនៅថ្ងៃទី១៤ខែសីហា ហើយការនេះបានទទួលការយោគយល់ពីបក្សKomeitoដែលជាបក្សរួមគ្នាកាន់អំណាចជប៉ុន ។
ថ្ងៃទី៧ខែសីហា ក្នុងកិច្ចប្រជុំជាន់ខ្ពស់នៃបក្សសេរីប្រជាធិបតេយ្យជប៉ុន លោកAbeបានថ្លែងថា លោកនឹងថ្លែង"សេចក្តីថ្លែងការណ៍Abe"នៅថ្ងៃទី១៤ខែសីហាដោយយោងតាមសេចក្តីសម្រេចចិត្តរបស់គណៈរដ្ឋមន្ត្រី ហើយបានពន្យល់ពីខ្លឹមសារនៃសេចក្តីព្រាងដាក់ជូនលោកYamaguchi ។ តាមការផ្សាយនៃប្រព័ន្ធសារព័ត៌មានជប៉ុនបានឲ្យដឹងថា លោកYamaguchiទាមទារឲ្យលោកAbeដាក់ពាក្យគន្លឹះក្នុង"សេចក្តីថ្លែងការណ៍Murayama"ដែលបានប្រកាសនៅឆ្នាំ១៩៩៥ដែលក្នុងនោះមានដូចជាពាក្យ"ឈ្លានពាន" "នឹមត្រួតត្រាអាណានិគម" និងពាក្យ"សុំទោស"ជាដើមក្នុងសេចក្តីថ្លែងការណ៍Abe ប៉ុន្តែលោកAbeមិនបានបញ្ចេញមតិតរបស់លោកចំពោះការដាក់ពាក្យ"សុំទោស"នោះទេ ។
ថ្ងៃទី៨ខែសីហា កាសែតYomiuri Shinbunបានផ្សាយថា ពីពេលមុនលោកAbeគ្រោងថ្លែងសេចក្តីថ្លែងការណ៍ខួបឆ្នាំទី៧០ក្រោយពីសង្គ្រាមជាលក្ខណៈ"ឯកជន"ដែលមិនចាំបាច់ឆ្លងតាមសេចក្តីសម្រេចចិត្តរបស់គណៈរដ្ឋមន្ត្រី ដើម្បីចៀសពីការរឹតត្បិតដោយសារប្រើពាក្យពីមុនដូចជា"សេចក្តីប្រកាសMurayama"និងសេចក្តីប្រកាសKoizumi" ។ ប៉ុន្តែបក្សKomeitoបានលើកឡើងថា "សេចក្តីថ្លែងការណ៍Abe"ត្រូវតែបន្តធ្វើតាមគោលជំហររបស់រដ្ឋាភិបាលជប៉ុនកន្លងមក ចាំបាច់ត្រូវតែប្រកាសតាមសេចក្តីសម្រេចចិត្តរបស់គណៈរដ្ឋមន្ត្រី ។
តាមការផ្សាយចែងថា កម្លាំងមួយចំនួននៅជុំវិញលោកAbe ក៏សង្ឃឹមថាអាចប្រកាស"សេចក្តីថ្លែងការណ៍"នេះតាមសេចក្តីសមេ្រចចិត្តរបស់គណៈរដ្ឋមន្ត្រីដែរ ដើម្បីសម្រេចគោលបំណងដែលយក"សេចក្តីថ្លែងការណ៍Abe"មកលប់បំបាត់"សេចក្តីប្រកាសMurayama"នោះ ។