កាលពីថ្ងៃទី២៥ខែតុលាតាមម៉ោងក្នុងតំបន់ អ្នកនាំពាក្យនៃស្ថានទូតចិនប្រចាំនៅសហរដ្ឋអាមេរិកបានសម្តែងការមិនពេញចិត្តយ៉ាងខ្លាំងនិងប្រឆាំងយ៉ាងដាច់ខាតចំពោះការដែលសហរដ្ឋអាមេរិកនិងតំបន់តៃវ៉ាន់បានរៀបចំធ្វើសន្និសីទតំណាងជាន់ខ្ពស់ដើម្បីពិភាក្សាអំពីការដែលតំបន់តៃវ៉ាន់ចូលរួមសកម្មភាពនៃអង្គការសហប្រជាជាតិ ហើយបានលើកឡើងការតវ៉ាយ៉ាងម៉ឺងម៉ាត់ចំពោះភាគីអាមេរិករួចហើយ ។
ភាគីចិនដាស់តឿនភាគីអាមេរិកឱ្យគោរពតាមគោលការណ៍ប្រទេសចិនតែមួយនិងការកំណត់នៃសេចក្តីប្រកាសរួមទាំងបីរវាងចិននិងសហរដ្ឋអាមេរិក គោរពសេចក្តីសម្រេចចិត្តលេខ២៧៥៨នៃមហាសន្និបាតអង្គការសហប្រជាជាតិ បញ្ឈប់ការមានទំនាក់ទំនងផ្លូវការជាមួយតំបន់តៃវ៉ាន់ បញ្ឈប់ប្រើពាក្យសម្តីដែលមិនទទួលខុសត្រូវ កុំបញ្ចេញសញ្ញាខុសឆ្គងចំពោះកម្លាំងដែលចង់ឱ្យតំបន់តៃវ៉ាន់ឯករាជ្យតាមគ្រប់រូបភាព កុំធ្វើអ្វីដែលប៉ះពាល់ដល់ទំនាក់ទំនងរវាងចិននិងសហរដ្ឋអាមេរិកព្រមទាំងបំផ្លាញសន្តិភាពនិងស្ថិរភាពនៃច្រកសមុទ្រតៃវ៉ាន់ ។
