ថ្ងៃទី២៥ ខែតុលា លោកXiJinpingប្រធានរដ្ឋចិនបានអញ្ជើញចូលរួមកិច្ចប្រជុំរំលឹកខួបទី៥០នៃការដែលសាធារណរដ្ឋប្រជាមានិតចិនទទួលបានអាសនៈស្របច្បាប់ឡើងវិញក្នុងអង្គការសហប្រជាជាតិ ព្រមទាំងថ្លែងសុន្ទរកថាគន្លឹះនៅក្រុងប៉េកាំង។
លោកXiJinpingបានគូសបញ្ជាក់ថា បច្ចុប្បន្ន និម្មាបនកម្មពិភពលោកកើតមានការប្រែប្រួយ៉ាងខ្លាំងដែលមិនធ្លាប់មានក្នុងរយៈពេល១០០ឆ្នាំ កម្លាំងវិវឌ្ឍរីកចម្រើនទៅមុខដោយសន្តិភាពកំពុងកើនឡើងឥតឈប់ឈរ។យើងគួរតែសម្របខ្លួនទៅនឹងនិន្នាការប្រវត្តិសាស្ត្រ ប្រកាន់ខ្ជាប់កិច្ចសហប្រតិបត្តិការ មិនធ្វើបដិបក្ខគ្នា ប្រកាន់ខ្ជាប់ការបើកចំហ មិនបិទទ្វារ ប្រកាន់ខ្ជាប់ការផ្តល់ផលប្រយោជន៍ទៅវិញទៅមកនិងឈ្នះ-ឈ្នះ មិនធ្វើការប្រកួតប្រជែងបែបផលបូកសូន្យ ប្រឆាំងយ៉ាងដាច់ខាតនូវអនុត្តរភាពនិយមនិងនយោបាយកម្លាំងបាយ ប្រឆាំងយ៉ាងដាច់ខាតនូវឯកតោភាគីនិយមនិងការគាំពារនិយមគ្រប់ទម្រង់។
លោកបានបន្តទៀតថា ជានិច្ចកាល ប្រជាជនចិនតែងតែគាំពារកិត្យាភាពនិងឋានៈនៃ
អង្គការសហប្រជាជាតិ អនុវត្តពហុភាគីនិយម កិច្ចសហប្រតិបត្តិការរវាងប្រទេសចិន-អង្គការសហប្រជាជាតិកាន់តែស៊ីជម្រៅពីមួយថ្ងៃទៅមួយថ្ងៃ។ប្រទេសចិនអនុវត្តដោយស្មោះនូវភារកិច្ចនិងបេសកកម្មក្នុងឋានៈជាប្រទេសសមាជិកនៃក្រុមប្រឹក្សាកិច្ចការសន្តិសុខនៃអង្គការសហប្រជាជាតិ គាំពារវត្ថុបំណងនិងគោលការណ៍នៃធម្មនុញ្ញអង្គការសហប្រជាជាតិ គាំពារតួនាទីជាស្នូលរបស់អង្គការសហប្រជាជាតិក្នុងកិច្ចការអន្តរជាតិ៕