ក្នុងឱកាសដែលប៉ុស្តិ៍ទូរទស្សន៍អូឡាំពិកនិងបណ្តាញឌីជីថលនៃប៉ុស្តិ៍ទូរទស្សន៍អូឡាំពិករបស់អគ្គស្ថានីយវិទ្យុនិងទូរទស្សន៍មជ្ឈិមចិនចាប់ផ្តើមចាក់ផ្សាយនិងដាក់ឱ្យប្រើប្រាស់ លោក Xi Jinping អគ្គលេខាធិការនៃគណៈកម្មាធិការមជ្ឈិមបក្សកុម្មុយនិស្តចិន ប្រធានរដ្ឋចិន និងជាប្រធានគណៈកម្មាធិការយោធាមជ្ឈិមចិន បានផ្ញើសារលិខិតសម្តែងការអបអរសាទរយ៉ាងកក់ក្តៅ ។
ថ្លែងក្នុងសារលិខិត លោក Xi Jinping បានគូសបញ្ជាក់ថា ជាង១០០ថ្ងៃទៀត ការប្រកួតកីឡាអូឡាំពិករដូវរងាក្រុងប៉េកាំងនឹងសម្ពោធបើក ។ រំពឹងទុកថា អ្នកទាំងអស់គ្នានឹងប្រកាន់ខ្ជាប់ឥរិយាបថត្រឹមត្រូវ និងច្នៃប្រឌិតថ្មី ក្នុងន័យបង្ហាញពីដំណើរតស៊ូព្យាយាមរបស់កីឡាករនៃវិញ្ញាសាកីឡាលើទឹកកករបស់ប្រទេសចិននិងបណ្តាប្រទេសនានាលើពិភពលោក ដែលធ្វើការខិតខំប្រឹងប្រែងឥតឈប់ឈរនិងយកឈ្នះលើខ្លួនឯង ព្រមនិងអធិប្បាយឱ្យបានស៊ីជម្រៅនូវទស្សនៈរៀបចំការប្រកួតកីឡាអូឡាំពិក ពោលគឺបៃតង ចែករំលែក បើកទូលាយនិងស្អាតស្អំ ដើម្បីបង្ហាញពីទំព័រអូឡាំពិកថ្មីនៃការប្រកួតកីឡាអូឡាំពិករដូវរងានិងការប្រកួតកីឡាប៉ារ៉ាឡាំពិកនៃក្រុងប៉េកាំងដែលប្រកបដោយភាពទាក់ទាញ វិសាមញ្ញនិងមានភាពអស្ចារ្យ ៕