ថ្ងៃទី២៥ ខែតុលា លោក Wang Wenbin អ្នកនាំពាក្យក្រសួងការបរទេសចិនបានប្រកាសថា តបតាមសេចកី្តអញ្ជើញរបស់លោក Nikos Dendias រដ្ឋមន្ត្រីការបរទេសនៃប្រទេសក្រិក លោក សេរ៉ាកូវិច រដ្ឋមន្រ្តីការបរទេសនៃប្រទេសស៊ែបី លោកស្រី Olta XHAÇKA រដ្ឋមន្ត្រីការបរទេសនៃប្រទេសអាល់បានី និងលោក ឌីម៉ា រដ្ឋមន្ត្រីការបរទេសនៃប្រទេសអ៊ីតាលី លោក Wang Yi សមាជិកក្រុមប្រឹក្សាកិច្ចការរដ្ឋនិងជារដ្ឋមន្ត្រីការបរទេសចិននឹងបំពេញទស្សនកិច្ចនៅ៤ប្រទេសខាងលើពីថ្ងៃទី២៧ ដល់ថ្ងៃទី២៩ខែតុលា ។
លោក Wang Wenbin បានថ្លែងថា ប្រទេសក្រិក ស៊ែបី អាល់បានីនិងអ៊ីតាលីជាដៃគូកិច្ចសហប្រតិបតិ្តការដ៏សំខាន់របស់ប្រទេសចិននៅទ្វីបអឺរ៉ុប ។ ក្នុងអំឡុងពេលដំណើរទស្សនកិច្ចលើកនេះ លោក Wang Yi សមាជិកក្រុមប្រឹក្សាកិច្ចការរដ្ឋនិងជារដ្ឋមន្ត្រីការបរទេសចិននឹងធ្វើការប្រាស្រ័យទាក់ទងយ៉ាងស៊ីជម្រៅជាមួយបណ្តាភាគីនានា ក្នុងន័យផ្សព្វផ្សាយពីចំណងមិត្តភាពប្រពៃណីឱ្យកាន់តែទូលំទូលាយ ធ្វើកិច្ចសហប្រតិបតិ្តការជាក់ស្តែងឱ្យមានភាពកាន់តែស៊ីជម្រៅ និងជំរុញការអភិវឌ្ឍរួម ។ ប្រទេសចិនរីករាយរួមសហការជាមួយប្រទេសទាំងបួននេះ ក្នុងន័យលើកកម្ពស់ទំនាក់ទំនងទ្វេភាគីឥតឈប់ឈរ ព្រមពេលជាមួយគ្នានេះ ក៏នឹងផ្តល់កម្លាំងចលករកាន់តែខ្លាំងដល់កិច្ចសហប្រតិបតិ្តការរវាងចិននិងប្រទេសអឺរ៉ុបកណ្តាលនិងខាងកើត និងការអភិវឌ្ឍទំនាក់ទំនងរវាងចិននិងអឺរ៉ុប ក៏ដូចជាបំពេញបន្ថែមកម្លាំងវិជ្ជមានកាន់តែខ្លាំងក្នុងការគាំពារពហុភាគីនិយម សច្ចធម៌និងយុត្តិធម៌អន្តរជាតិផងដែរ ៕
