ទីភ្នាក់ងារព័ត៌មាន Reuters បានចេញផ្សាយព័ត៌មាននៅថ្ងៃទី ២០ ខែកញ្ញាថា អ្នកស្រាវជ្រាវរបស់ប្រទេសកម្ពុជាកំពុងប្រមូលយកគំរូសត្វប្រចៀវ ដើម្បីស្វែងយល់កាន់តែច្បាស់ពីសភាពរាលដាលជំងឺកូវីដ១៩ លើកនេះ ។ កាលពីឆ្នាំ២០២០ អ្នកស្រាវជ្រាវកម្ពុជាបានធ្វើពិសោធន៍ហើយរកឃើញប្រភេទមេរោគដែលប្រហាក់ប្រហែលនឹងវីរុសកូវីដ១៩ ដែលមានទំនាក់ទំនងយ៉ាងខ្លាំងនឹងវីរុសEbola វីរុស SARS វីរុស MERS ដែលសុទ្ធតែជាវីរុសមានគ្រោះដល់ជីវិតដែលបានដឹងស្រាប់និងសុទ្ធតែមានប្រភពដើមចេញពីសត្វប្រចៀវ។ គម្រោងស្រាវជ្រាវនេះមានបំណងផ្តល់ព័ត៌មានលម្អិតថ្មីៗនិងកាន់តែច្រើនទៀត ទាក់ទិននឹងខ្សែសង្វាក់លក់ដូរសត្វព្រៃនៅកម្ពុជា៕