នៅរសៀលថ្ងៃទី ១៧ ខែកញ្ញា លោក Xi Jinping ប្រធានរដ្ឋចិនបានចូលរួមកិច្ចប្រជុំកំពូលអង្គការសហប្រតិបតិ្តការសៀងហៃលើកទី ២១ ព្រមទាំងថ្លែងសុន្ទរកថាគន្លឹះតាមប្រព័ន្ធវីដេអូនៅក្រុងប៉េកាំង ។
លោក Xi Jinping បានលើកឡើងថា ចាប់តាំងពីអង្គការសហប្រតិបតិ្តការសៀងហៃបានបង្កើតឡើងអស់រយៈពេល ២០ ឆ្នាំមក បានគោរពតាម"ស្មារតីសៀងហៃ"ដែលផ្តួចផ្តើមឱ្យមានទំនុកចិត្តលើគ្នា ផ្តល់ផលប្រយោជន៍ដល់គ្នាទៅវិញទៅមក សមភាព ពិគ្រោះពិភាក្សាគ្នា គោរពអរិយធម៌ពិពិធកម្មនិងស្វែងរកការអភិវឌ្ឍជាមួយគ្នាជាប់រហូត ក៏ដូចជាធ្វើកិច្ចខិតខំប្រឹងប្រែងក្នុងការសម្រេចបាននូវសន្តិភាពនិងការអភិវឌ្ឍនៃពិភពលោកព្រមទាំងវឌ្ឍនភាពរបស់មនុស្សជាតិនិងបានជំរុញការអនុវត្តជាក់ស្តែងខាងទ្រឹស្តីសំខាន់ក្នុងការបង្កើតទំនាក់ទំនងអន្តរជាតិបែបថ្មីនិងសហគមន៍រួមវាសនានៃមនុស្សជាតិផងដែរ ។
លោក Xi Jinping បានសង្កត់ធ្ងន់ថា អង្គការសហប្រតិបតិ្តការសៀងហៃបានឈរនៅចំណុចចាប់ផ្តើមថ្មីនៃប្រវត្តិសាស្ត្រ ។ យើងគួរតែជ្រោងទង់នៃ"ស្មារតីសៀងហៃ" ជំរុញការអភិវឌ្ឍរបស់ខ្លួនក្នុងនិម្មាបនកម្មដ៏មហិមានៃការអភិវឌ្ឍរួមរបស់មនុស្សជាតិ ក៏ដូចជាបង្កើតសហគមន៍រួមវាសនានៃអង្គការសហប្រតិបតិ្តការសៀងហៃដែលមានភាពកាន់តែជិតស្និទ្ធនិងរួមចំណែកកាន់តែធំក្នុងការសម្រេចបាននូវសន្តិភាពយូរអង្វែងនិងវិបុលភពរួមនៃពិភពលោក ៕