ថ្ងៃទី២២ ខែកក្កដា លោកXi Jinpingអគ្គលេខាធិការនៃគណៈកម្មាធិការមជ្ឈិមបក្សកុម្មុយនិសត្តចិនដែលអញ្ជើញចុះត្រួតពិនិត្យការងារនៅក្រុងLinzhiនៃខេត្តXizangបានធ្វើដំណើរតាមរថភ្លើងពីទីក្រុងLinzhiទៅកាន់ទីក្រុងLasa ដើម្បីត្រួតពិនិត្យមើលស្ថានកាណ៍សាងសង់ផ្លូវដែកLasa-Linzhi ដែលជាផ្លូវដែកខ្ពង់រាបដើរដោយអគ្គិសនីដំបូងគេរបស់ប្រទេសចិន។
ផ្លូវដែក Lasa-Linzhi ស្ថិតនៅក្នុងជ្រលងភ្នំរវាងជួរភ្នំKailasRangeនិងភ្នំហិមឡៃនៅលើខ្ពង់រាបQinghai-Xizang ខ្សែផ្លូវជាង៩០ភាគរយមានរយៈកម្ពស់លើសពី៣០០០ម៉ែត្រ ហើយបានឆ្លងកាត់ទន្លេBrahmaputra ១៦ដង ការស្ថាបនាមានការលំបាកខ្លាំងណាស់ ការសាងសង់ចំណាយពេលជាង ៦ ឆ្នាំទើបរួចរាល់។ផ្លូវដែក Lasa-Linzhi ដែលបើកដំណើរការជាផ្លូវការកាលពីថ្ងៃទី២៥ ខែមិថុនា ឆ្នាំ២០២១ នេះ មានប្រវែងសរុប៤៣៥,48គីឡូម៉ែត្រ ល្បឿនរចនា១៦០គីឡូម៉ែត្រក្នុងមួយម៉ោងតាមផ្លូវ មានចំណតចំនួន ៩ ហើយការធ្វើដំណើរពីទីក្រុងLinzhiទៅដល់ទីក្រុងLasa ល្បឿងបំផុតចំណាយតែ៣ ម៉ោងនិង ២៩ នាទីប៉ុណ្ណោះ។
ផ្លូវដែក Lasa-Linzhi តភ្ជាប់និងផ្លូវដែកLasa-RikazeនិងQinghai-Xizangដែលមានស្រាប់ ហើយក៏ជាផ្នែកមួយដ៏សំខាន់នៃផ្លូវដែកSichuan-Xizangដែលកំពុងសាងសង់ និងជាខ្សែរួមនៃផ្លូវដែកYunnan-Xizangដែលបានគ្រោងដែនការសាងសង់។ ការសាងសង់រួចរាល់និងដាក់ឱ្យដំណើរការនៃខ្សែផ្លូវដែក Lasa-Linzhi បានបញ្ចប់ប្រវត្តិសាស្ត្រគ្មានផ្លូវដែកនៅភាគអាគ្នេយ៍ភូមិភាគXizang ដែលបានធ្វើឱ្យប្រសើរឡើងថែមទៀតនូវបណ្តាញផ្លូវដែកក្នុងតំបន់ និងធ្វើឱ្យប្រសើរឡើងនូវស្ថិរភាពនិងភាពងាយស្រួលសម្រាប់ការដឹកជញ្ជូន៕