ថ្ងៃទី២២ខែមិថុនា លោក Zhao lijian អ្នកនាំពាក្យក្រសួងការបរទសចិនបានធ្វើជាអធិបតីក្នុងសន្និសីទសារព័ត៌មានជាប្រចាំ ។
ក្នុងសន្និសីទ មានអ្នកសារព័ត៌មានបានសួរថា នាពេលថ្មីៗកន្លងទៅនេះ អាមេរិកបានប្រកាសថា បើសិនជាប្រទេសចិនមិនធ្វើការស៊ើបអង្កេតថែមមួយកម្រិតទៀតអំពីការតាមដានរកប្រភពដើមនៃវីរុសកូវីដ១៩ នោះនឹងប្រឈមនឹង “ភាពឯកោលើផ្ទៃអន្តរជាតិ” ។ ទាក់ទិននឹងរឿងនេះ តើប្រទេសចិនធ្វើការអត្ថាធិប្បាយយ៉ាងម៉េច ?
លោក Zhao Lijianបានឆ្លើយបតថា ក្នុងបញ្ហាតាមដានរកប្រភពដើមនៃវីរុសកូវីដ១៩ អ្នកនយោបាយអាមេរិកគ្មានលក្ខណសម្បត្តិអីមកមួលបង្កាច់និងគំរាមកំហែងប្រទេសចិននោះទេ ហើយក៏គ្មានសិទ្ធិអីមកតំណាងឱ្យសហគមន៍អន្តរជាតិដើម្បីដាក់សម្ពាធទៅលើប្រទេសចិននោះឡើយ ។ នាពេលថ្មីៗកន្លងទៅនេះ ប្រទេសចិនបានអំពាវនាវយ៉ាងមធ្យ័តឱ្យធ្វើការស៊ើបអង្កេតចំពោះប្រភពដើមនៃការរីករាលដាលនៃជំងឺកូវីដ១៩ មូលហេតុនិងអ្នកទទួលខុសត្រូវនៃអសមត្ថភាពក្នុងការទប់ទល់នឹងជំងឺកូវីដ១៩ ក៏ដូចជាបញ្ហានៃបន្ទប់ពិសោធន៍Fort Detrick និងបន្ទប់ពិសោធន៍នៅបរទេសចំនួនជាង២រយកន្លែង ៕
