ថ្ងៃទី២២ ខែមិថុនា លោក Zhao Lijian អ្នកនាំពាក្យក្រសួងការបរទេសចិនបានប្រកាសក្នុងសន្និសីទសារព័ត៌មានជាប្រចាំថា នៅថ្ងៃទី២៣ ខែមិថុនា លោក Wang Yi សមាជិកក្រុមប្រឹក្សាកិច្ចការរដ្ឋនិងជារដ្ឋមន្ត្រីការបរទេសចិននឹងធ្វើជាអធិបតីក្នុងសន្និសីទថ្នាក់ខ្ពស់នៃតំបន់អាស៊ីប៉ាស៊ីហ្វិកស្តីពីកិច្ចសហប្រតិបតិ្តការអន្តរជាតិ “ខ្សែក្រវាត់និងផ្លូវ” ។ សន្និសីទលើកនេះនឹងប្រារព្វធ្វើតាមប្រព័ន្ធវីដេអូក្រោមប្រធានបទ “បង្កើនកិច្ចសហប្រតិបតិ្តការក្នុងការទប់ទល់នឹងជំងឺកូវីដ១៩ ជំរុញការងើបឡើងវិញនៃសេដ្ឋកិច្ច ” ។ រដ្ឋមន្ត្រីការបរទេសឬរដ្ឋមន្ត្រីសេដ្ឋកិច្ចនៃប្រទេសពាក់ព័ន្ធក្នុងតំបន់អាស៊ីប៉ាស៊ីហ្វិក ព្រមនិងតំណាងអង្គការអន្តជាតិ ដូចជាអង្គការសហប្រជាជាតិជាដើម នឹងចូលរួមសន្និសីទលើកនេះ ៕