តាមដំណឹងនៃស្ថានីយវិទ្យុអន្តរជាតិកូរ៉េខាងត្បូងបានឱ្យដឹងថា ថ្ងៃទី២១ ខែមិថុនា តាមម៉ោងក្នុងតំបន់ អាជ្ញាធរកិច្ចការទូតរបស់កូរ៉េខាងត្បូងនិងជប៉ុនបានបើកធ្វើកិច្ចពិគ្រោះពិភាក្សាថ្នាក់ប្រធាននាយកដ្ឋាននៅក្រុងសេអ៊ូល ដើម្បីធ្វើការពិគ្រោះពិភាក្សាអំពីសំណុំរឿងសងថ្លៃជំងឺចិត្តដល់ពលករកូរ៉េខាងត្បូងដែលត្រូវបង្ខំឱ្យធ្វើពលកម្មជាដើម ។
ក្រសួងការបរទេសកូរ៉េខាងត្បូងបានថ្លែងថា ភាគីទាំងពីរបានសម្គាល់ជាឯកឆន្ទថា ការអភិវឌ្ឍទំនាក់ទំនងរវាងកូរ៉េខាងត្បូងនិងជប៉ុនប្រកបដោយភាពនឹងនរនិងឆ្ពោះទៅកាន់អនាគត គឺមានសារសំខាន់ណាស់ចំពោះសន្តិភាព ស្ថិរភាពនិងវិបុលភាពក្នុងតំបន់ រហូតដល់ពិភពលោកផងដែរ ។
ក្រសួងការបរទេសកូរ៉េខាងត្បូងបានបង្ហាញថា កូរ៉េខាងត្បូងបានអធិប្បាយម្តងទៀតនូវគោលជំហររបស់រដ្ឋាភិបាលក្នុងបញ្ហាស្តីពីការបង្ខំឱ្យធ្វើពលកម្មនិងបញ្ហាស្រ្តីបម្រើផ្លូវភេទក្នុងជួរទ័ពជប៉ុន ព្រមទាំងលើកឡើងពីមតិយោបល់របស់អ្នករងគ្រោះនិងសមាគមពាក់ព័ន្ធ បញ្ហាទាំងនេះ ហើយគូសបញ្ជាក់ថា ភាគីជប៉ុនគួរតែបង្ហាញពីសុទ្ធចិត្តរបស់ខ្លួន ៕