ពីថ្ងៃទី៧ ដល់ទី៩ ខែមិថុនា ឆ្នាំ២០២១ លោកស៊ីជីនភីង អគ្គលេខាធិការមជ្ឈិមបក្សកុម្មុយនិស្តចិន ប្រធានរដ្ឋចិន ប្រធានគណៈកម្មាធិការយោធាមជ្ឈិមចិនបានអញ្ជើញចុះត្រួតពិនិត្យការងារនៅខេត្តឈីហៃប្រទេសចិន ដោយបានទៅដល់សហគ្រាស សហគមន៍ តំបន់ការពារធម្មជាតិ និងជនបទជាដើម។
លោកបានសង្កត់ធ្ងន់ថា ត្រូវអនុវត្តទស្សនៈអភិវឌ្ឍន៍ថ្មីដោយពេញលេញ ត្រឹមត្រូវ និងគ្រប់ជ្រុងជ្រោយ ជំរុញកំណែទម្រង់និងការបើកទូលាយឱ្យកាន់តែស៊ីជម្រៅដោយប្រកាន់ខ្ជាប់ការតម្កល់ទុកប្រជាជនជាស្នូល សម្របសម្រួលការបង្កានិងគ្រប់គ្រងការរាតត្បាតនៃជំងឺឆ្លងជាមួយការអភិវឌ្ឍសេដ្ឋកិច្ចនិងសង្គមកិច្ច ក៏ដូចជាការអភិវឌ្ឍនិងសុវត្ថិភាព ខិតខំពុះពារបញ្ហាលំបាក បន្តត្រួសត្រាយនិងធ្វើការថ្នៃប្រឌិតថ្មី ពង្រឹងទស្សនៈគំនិតដែលថា ទឹកស្អាតភ្នំបៃតងជាភ្នំមាសភ្នំប្រាក់ ដើម្បីជំរុញឱ្យការការពារអេកូឡូស៊ីនិងការអភិវឌ្ឍប្រកបដោយគុណភាពខ្ពស់ក្នុងតំបន់ខ្ពង់រាប Qinghai-Xizang ទទួលបានសមិទ្ធផលថ្មីជាបន្តបន្ទាប់៕