កាលពីថ្ងៃទី១២ខែឧសភាតាមម៉ោងក្នុងតំបន់ ក្រុមប្រឹក្សាសន្តិសុខអង្គការសហប្រជាជាតិបានធ្វើការពិគ្រោះពិភាក្សាបន្ទាន់ជាលើកទីពីរក្នុងសប្តាហ៍នេះអំពីស្ថានការណ៍ប៉ាឡេស្ទីន ។ លោក Zhangjun តំណាងចិនប្រចាំជាអចិន្ត្រៃយ៍នៅអង្គការសហប្រជាជាតិធ្វើជាអធិបតីក្នុងកិច្ចប្រជុំក្នុងនាមជាប្រធានផ្លាស់វេននៃក្រុមប្រឹក្សាសន្តិសុខ ព្រមទាំងអធិប្បាយអំពីគោលជំហររបស់ភាគីចិន ។
លោក Zhangjun បានថ្លែងថា ភាគីចិនយកចិត្តទុកដាក់យ៉ាងខ្លាំងចំពោះស្ថានការណ៍បច្ចុប្បន្ននៅប៉ាឡេស្ទីននិងថ្កោលទោសយ៉ាងខ្លាំងចំពោះអំពើហិង្សាដែលសំដៅចំពោះជនស៊ីវិល ហើយសូមអំពាវនាវឱ្យភាគីពាក់ព័ន្ធនានា ជាពិសេសគឺអ៊ីស្រាអែលសូមរក្សាភាពអត់ធ្មត់ ។ ភាគីចិនសូមដាស់តឿនភាគីនានាឱ្យបញ្ឈប់សកម្មភាពបដិបក្ខគ្នាភ្លាម ដោយអនុវត្តតាមកាតព្វកិច្ចនៃសេចក្តីសម្រេចចិត្តពាក់ព័ន្ធនៃអង្គការសហប្រជាជាតិនិងការកំណត់នៃច្បាប់អន្តរជាតិយ៉ាងប្រាកដប្រជា ចៀសវាងការចាត់ប្រតិបត្តិការណាមួយដែលបណ្តាលឱ្យស្ថានការណ៍កាន់តែឡើងកម្តៅថែមទៀត ។