លោកស្រី Hua Chunying អ្នកនាំពាក្យក្រសួងការបរទេសចិនបានច្រានចោលពាក្យសំដីដែលចោទថា វ៉ាក់សាំងចិន"បំបិទផ្លូវខាងភូមិសាស្ត្រនិយោបាយ"ក្នុងសន្និសីទសារព័ត៌មានជាប្រចាំកាលពីថ្ងៃទី ១២ ខែឧសភា ។ លោកស្រីបានសង្កត់ធ្ងន់ថា ប្រទេសចិនបាននិងកំពុងរួមចំណែកយ៉ាងសកម្មដើម្បីលុបបំបាត់គម្លាតខាងភាពស៊ាំនិងសម្រេចបាននូវភាពអាចទទួលបាននិងភាពអាចរ៉ាប់រងបានលើវ៉ាក់សំងកូវីដ ១៩ ក្នុងប្រទេសកំពុងអភិវឌ្ឍន៍ ។ កិច្ចសហប្រតិបត្តិការពាក់ព័ន្ធប្រកបដោយភាពស្មោះត្រង់និងមានតម្លាភាព ។
លោកស្រី Hua Chunying បានថែ្លងថា ចាប់តាំងពីបានផ្ទុះជំងឺកូវីដ ១៩ មក ជានិច្ចកាល ប្រទេសចិនតែងតែប្រកាន់ខ្ជាប់នូវទស្សនៈជំរុញកិច្ចកសាងសហគមន៍រួមវាសនារបស់មនុស្សជាតិនិងសហគមន៍រួមសុខាភាពដើម្បីសម្រេចបាននូវភាពអាចទទួលបាននិងភាពអាចរ៉ាប់រងបានលើវ៉ាក់សំងកូវីដ ១៩ ក្នុងប្រទេសកំពុងអភិវឌ្ឍន៍ ។ កិច្ចសហប្រតិបត្តិការពាក់ព័ន្ធទទួលបានការស្វាគមន៍ជាទូទៅពីផ្ទៃអន្តរជាតិដែលបូករួមទាំងបណ្តាប្រទេសអាមេរិកកណ្តាលផងដែរ ពោលគឺ បង្ហាញពីប្រសិទ្ធភាពជាគំរូវិជ្ជមាន ៕
