“នេះមិនមែនជាមធ្យោបាយមានប្រសិទ្ធភាពសម្រាប់បន្ធូរបន្ថយការរីករាលដាលនៃជំងឺកូវីដ១៩នាពេលបច្ចុប្បន្ននេះទេ ក៏ប៉ុន្តែមើលទៅវាមានកម្លាំងទាក់ទាញណាស់ដែលអាចទាក់ទាញការយកចិត្តទុកដាក់ពីអ្នកបោះឆ្នោតយ៉ាងឆាប់រហ័ស ។”ពេលថ្មីៗកន្លងទៅនេះ កាសែត 《The Washington Post 》 បានចុះផ្សាយអត្ថបទនិងបានវាយតម្លៃដូចពោលខាងលើនេះចំពោះការដែលរដ្ឋាភិបាលអាមេរិកគាំទ្រការព្យួរការការពារកម្មសិទ្ធិបញ្ញាវ៉ាក់សាំងជំងឺកូវីដ១៩ ។ ឥស្សរជនអន្តរជាតិជាច្រើនបានលើកឡើងថា ភាគីអាមេរិកសម្តែងអាកប្បកិរិយាដោយសាធារណៈបែបនេះ ខ្វះលទ្ធភាពនិងការគាំទ្រក្នុងការអនុវត្តជាក់ស្តែង គឺហាក់ដូចជាគូរនំដើម្បីបំពេញភាពអត់ឃ្លាន ក៏គ្រាន់តែជាការសម្តែងខាងនយោបាយតែប៉ុណ្ណោះ ។
ពេលថ្មីៗកន្លងទៅនេះ លោកស្រី Ursula von der Leyen ប្រធានគណៈកម្មាធិការសហភាពអឺរ៉ុបបានថ្លែងថា ភារកិច្ចជាបន្ទាន់របស់ពិភពលោកគឺត្រូវធានាការផ្គត់ផ្គង់វ៉ាក់សាំងឱ្យបានគ្រប់គ្រាន់និងការចែកចាយដោយស្មើគ្នា តែមិនមែនការព្យួរកម្មសិទ្ធិបញ្ញានោះទេ ។ ការសម្តែងអាកប្បកិរិយាបែបនេះ បានបង្ហាញពីភាពមិនជាក់ស្តែងនៃរដ្ឋាភិបាលអាមេរិក ។
មូលហេតុដែលបង្កបង្កើតវិបត្តិវ៉ាក់សាំងសកលនាពេលបច្ចុប្បន្នមិនមែនបញ្ហាប៉ាតង់ទេ គឺ “វ៉ាក់សាំងជនជាតិនិយម” ។ អនុលោមតាមច្បាប់ផលិតកម្មខាងការការពារជាតិ រដ្ឋាភិបាលអាមេរិកបានកំណត់ថា ពាណិជ្ជករផលិតកម្មវ៉ាក់សាំងចាំបាច់ត្រូវអនុវត្តកិច្ចសន្យាក្នុងស្រុកជាអាទិភាព ។ វ៉ាក់សាំងដែលសហរដ្ឋអាមេរិកបានផលិតស្ទើរតែ១០០ភាគរយបានផ្គត់ផ្គង់ដល់សហរដ្ឋអាមេរិក នេះបណ្តាលឱ្យប្រទេសមានបានស្តុកទុកវ៉ាក់សាំងជំងឺកូវីដ១៩ច្រើនហួសហេតុ តែប្រទេសក្រីក្រសុំជំនួយមិនបានទេ ។ ប្រការដែលកាន់តែអាក្រក់ជាងនេះទៅទៀតគឺ សហរដ្ឋអាមេរិកបានហាមឃាត់មិនឱ្យនាំចេញសម្ភារៈគ្រប់ប្រភេទសម្រាប់ផលិតវ៉ាក់សាំងជាប់រហូត ដែលបានបង្កការរារាំងដ៏ធ្ងន់ធ្ងរដល់កិច្ចសហប្រតិបត្តិការប្រយុទ្ធប្រឆាំងនឹងជំងឺកូវីដ១៩ជាសកល ។ ទាក់ទិននឹងរឿងនេះ អ្នកប្រើប្រាស់បណ្តាញអ៊ីនធើណេតបានវាយតម្លៃថា “រូបរាងដូចជាសុភាពបុរស តែទង្វើដូចបិសាច នេះគឺសហរដ្ឋអាមេរិក ។”
បើប្រៀបធៀបនឹងការសម្តែងអាកប្បកិរិយាតាមតែមាត់ ពិភពលោកកាន់តែត្រូវការសកម្មភាពជាក់ស្តែងផង ។ បច្ចុប្បន្ននេះ ភាគីចិនបានផ្តល់ជំនួយជាវ៉ាក់សាំងដល់ប្រទេសកំពុងអភិវឌ្ឍន៍ជាង៨០ជាបន្តបន្ទាប់ និងនាំចេញវ៉ាក់សាំងទៅកាន់ប្រទេសជាង៥០រួចរាល់ហើយ ។ ពេលថ្មីៗកន្លងទៅនេះ អង្គការសុខភាពពិភពលោកបានដាក់បញ្ចូលវ៉ាក់សាំងជំងឺកូវីដ១៩នៃក្រុមហ៊ុន Sinopharm របស់ចិនក្នុង“បញ្ជីប្រើប្រាស់ជាបន្ទាន់” នេះមានន័យថា វ៉ាក់សាំងជំងឺកូវីដ១៩របស់ចិននឹងបម្រើដល់ទូទាំងពិភពលោកយ៉ាងពិតប្រាកដ ។
បច្ចុប្បន្ននេះ នៅប្រទេសមួយចំនួន ការរីករាលដាលនៃជំងឺកូវីដ១៩នៅតែស្ថិតក្នុងសភាពពិបាកគ្រប់គ្រងនោះទេ ។ ក្នុងខណៈពេលជាគន្លឹះ ការប្រយុទ្ធប្រឆាំងនឹងជំងឺកូវីដ១៩សកលមិនត្រូវធ្វើតាមរូបភាពនិយមទេ ។ អ្នកនយោបាយអាមេរិកសម្តែងអាកប្បកិរិយាតាមតែមាត់ មិនប្រសើរផងបន្ធូរការដាក់កំហិតទៅលើការនាំចេញវ៉ាក់សាំង ក្នុងន័យផ្តល់ជំនួយដល់ប្រទេសនិងប្រជាជនដែលកំពុងស្ថិតក្នុងវិបត្តិលើកនេះ ។ ប្រការនេះទើបជា “ប្រតិបត្តិការសហរដ្ឋអាមេរិក”ដែលពិភពលោករំពឺងទុក ៕
