ទាក់ទិននឹងការផ្សាយដំណឹងរបស់ប្រព័ន្ធសារព័ត៌មានបរទេសដែលឃោសនាបំប៉ោងថាប្រទេសចិនកំពុងប្រឈមនឹងវិបត្តិចំនួនប្រជាជន លោកស្រីHuaChunyingអ្នកនាំពាក្យក្រសួងការបរទេសចិនបានថ្លែងក្នុងសន្និសីទសារព័ត៌មានជាប្រចាំកាលពីថ្ងៃទី១២ខែឧសភាថា ក្នុងដំណាក់កាលគន្លឹះនីមួយៗនៃការអភិវឌ្ឍរបស់ប្រទេសចិន លោកខាងលិចសុទ្ធតែនឹងធ្វើការវាយតម្លៃនិងប៉ាន់ស្មានចំពោះប្រទេសចិន ដោយលេចឮពាក្យសម្តីគ្រប់បែបយ៉ាង។ ប៉ុន្តែ ទន្ទឹមនឹងការអភិវឌ្ឍជាបន្តបន្ទាប់របស់ប្រទេសចិន ពាក្យសម្តីទាំងនេះសុទ្ធតែត្រូវទាត់ចោលទាំងស្រុងដោយការពិតជាក់ស្តែង ។
លោកស្រីHuaChunyingបានថ្លែងថា យោងទៅតាមការប្រកាសប្រកបដោយ កិត្យានុភាពរបស់រដ្ឋបាលជាតិស្ថិតិចិនកាលពីថ្ងៃទី១១ខែឧសភាឱ្យដឹងថា បច្ចុប្បន្នប្រទេសចិនមានចំនួនប្រជាជនសរុបលើសពី១ពាន់៤រយលាននាក់ បានរក្សានិន្នាការកើនឡើងដោយល្បឿនទាប។ ប្រទេសចិនបានលើកឡើងយ៉ាងច្បាស់ក្នុងផែនការអភិវឌ្ឍន៍ជាតិ៥ឆ្នាំទី១៤ថា ត្រូវជំរុញការសម្រេចបាននូវការបង្កកំណើតក្នុងកម្រិតសមរម្យ កាត់បន្ថយដើមទុនបង្កកំណើត ការចិញ្ចឹមបីបាច់និងអប់រំក្នុងគ្រួសារ ក៏ដូចជាបញ្ចេញសក្តានុពលនៃគោលនយោបាយបង្កកំណើតផងដែរ ៕