តាមការផ្សាយដំណឹងនៃប្រព័ន្ធសារព័ត៌មានជប៉ុនបានឱ្យដឹងថា ដោយមកពីការរីករាលដាលនៃជំងឺឆ្លងមានភាពកាន់តែធ្ងន់ធ្ងរនិងបានលេចចេញវីរុសបម្លែងថ្មី បានជារដ្ឋាភិបាលជប៉ុនគ្រោងនឹងចេញសេចក្តីប្រកាសអំពីគ្រាអាសន្នជាលើកទី៣នៅក្រុងតូក្យូជាដើម ប្រការនេះប្រហែលនឹងប៉ះពាល់ដល់ការងារត្រៀមរៀបចំការប្រកួតកីឡាអូឡាំពិកក្នុងដំណាក់កាលចុងក្រោយ។
ប្រព័ន្ធសារព័ត៌មានជប៉ុនបានផ្សាយដំណឹងថា លោកYoshihide Sugaនាយករដ្ឋមន្រ្តីជប៉ុននឹងធ្វើសេចក្តីសម្រេចចិត្តនៅថ្ងៃទី២៣ខែមេសា ដើម្បីចេញសេចក្តីប្រកាសអំពីគ្រាអាសន្ននៅក្រុងតូក្យូ ខេត្តក្យូដូ ក្រុងអូសាកានិងខេត្តហ៊ីហ្គូហ្គោ។ តាមការប៉ាន់ប្រមាណ គ្រាអាសន្ននឹងចាប់ផ្តើមអនុវត្តពីថ្ងៃទី២៥ខែមេសារហូតដល់ថ្ងៃទី១១ខែឧសភា។
បច្ចុប្បន្ន ការប្រកួតកីឡាអូឡាំពិកក្រុងតូក្យូបានសម្រេចមិនទទួលឱ្យទស្សនិកជនបរទេសចូលទស្សនាទេ រដ្ឋាភិបាលជប៉ុននិងគណៈកម្មាធិការត្រៀមរៀបចំការប្រកួតកីឡាអូឡាំពិកនឹងធ្វើការពិភាក្សា៥ភាគី ដើម្បីពិគ្រោះពិភាក្សាពីចំនួនអតិបរមានៃទស្សនិកជន ប៉ុន្តែ ការធ្វើសេចក្តីសម្រេចចិត្តចុងក្រោយប្រហែលនឹងពន្យារដល់ខែមិថុនា ៕
