កាលពីថៃ្ងទី ២១ ខែមេសា តាមម៉ោងក្នុងតំបន់ តាមការបង្ហើយនៃអ្នកដឹងព័ត៌មានបានឱ្យដឹងថា ដោយសារកិច្ចចរចាស្តីពីបញ្ហានុយគ្លេអ៊ែរអ៊ីរ៉ង់ដែលបានធ្វើឡើងនៅទីក្រុងវីយែន ប្រទេសអូទ្រីសទទួលបានការវិវឌ្ឍរីកចម្រើន បានជាសហរដ្ឋអាមេរិកមានឆន្ទៈបន្ធូរបន្ថយការដាក់ទណ្ឌកម្មលើវិស័យសំខាន់ៗនៃសេដ្ឋកិច្ចរបស់អ៊ីរ៉ង់ដើម្បីជួយបង្រួញការខ្វែងគំនិតក្នុងកិច្ចចរចា ។
យោងតាមការបង្ហើបឱ្យដឹងនៃកាសែត《Wall Street Journal》អាមេរិកដែលបានដកស្រង់ពាក្យសម្តីរបស់អ្នកដឹងព័ត៌មានឱ្យដឹងថា សហរដ្ឋអាមេរិកបានប្រកាន់ខ្ជាប់នូវអាកប្បកិរិយាបើកចំហចំពោះការលុបបំបាត់ការដាក់ទណ្ឌកម្មលើវិស័យសំខាន់ៗមួយចំនួននៃសេដ្ឋកិច្ចរបស់អ៊ីរ៉ង់ ក្នុងនោះបូករួមទាំង ធនាគារមជ្ឈិម ក្រុមហ៊ុនប្រេងកាតជាតិ ក្រុមហ៊ុនកប៉ាល់ទេសចរណ៍ព្រមទាំងដែកថែបនិងអាលុយមីញ៉ូមជាដើម ប៉ុន្តែមិនបានដាក់ចេញផែនការលម្អិតនោះទេ ។
ទាក់ទិននឹងបញ្ហានេះ លោក Hassan Rouhani ប្រធានាធិបតីអ៊ីរ៉ង់បានថែ្លងនាថៃ្ងដដែលនោះថា សហរដ្ឋអាមេរិកគួរតែដាក់ចេញផែនការលម្អិតជាក់លាក់ដើម្បីបញ្ជាក់ថា មិនមែនជាការនិយាយបានតែមាត់ឥតប្រយោជន៍នោះទេ ៕