ព្រឹកថ្ងៃទី២០ ខែមេសា ពិធីបើកកិច្ចប្រជុំប្រចាំឆ្នាំ២០២១នៃវេទិកាអាស៊ីនៅប៉អៅបានប្រារព្ធធ្វើនៅក្រុងប៉អៅខេត្តហៃណានប្រទេសចិន លោកស៊ីជីនភីងប្រធានរដ្ឋចិនបានថ្លែងសុន្ទរកថាគន្លឹះតាមរយៈវីដេអូ។
លោកស៊ីជីនភីងបានគូសបញ្ជាក់ថា ២០ឆ្នាំកន្លងមកនេះ ប្រទេសអាស៊ីបានជំរុញសមាហរណកម្មសេដ្ឋកិច្ចក្នុងតំបន់ដោយស៊ីជម្រៅ សហការគ្នាជំរុញការអភិវឌ្ឍសេដ្ឋកិច្ចសង្គម ដើម្បីជំរុញឱ្យអាស៊ីក្លាយទៅជាតំបន់ដែលមានកម្លាំងរស់វើកនិងប្រកបដោយសក្តានុពលកំណើនធំបំផុតនៅទូទាំងពិភពលោក។ក្នុងឋានៈជាសមាជិកសំខាន់នៃអាស៊ី ប្រទេសចិនបានធ្វើឱ្យកំណែទម្រង់និងបើកទូលាយកាន់តែស៊ីជម្រៅជាបន្តបន្ទាប់ ជំរុញយ៉ាងសកម្មនូវកិច្ចសហប្រតិបត្តិការក្នុងតំបន់ ដើម្បីវិវឌ្ឍរីកចម្រើនជាមួយអាស៊ី និងរួមគ្នាអភិវឌ្ឍជាមួយពិភពលោកទាំងមូល។វេទិកានេះជាសក្ខីភាពនៃដំណើរដ៏វិសាមញ្ញរបស់ប្រទេសចិន អាស៊ីនិងពិភពលោកទាំងមូល ហើយដើរតួនាទីយ៉ាងសំខាន់ផ្នែកកម្លាំងឥទ្ធិពលនិងកម្លាំងចលករក្នុងការជំរុញឱ្យអាស៊ីនិងពិភពលោកទាំងមូលវិវឌ្ឍរីកចម្រើន៕