នៅល្ងាចថ្ងៃទី១៦ ខែមេសា នៅទីក្រុងប៉េកាំង លោកស៊ីជីនភីង ប្រធានរដ្ឋចិននិងលោកMacronប្រធានាធិបតីបារាំង លោកស្រីMerkel នាយករដ្ឋមន្ត្រីអាល្លឺម៉ង់បានបើកធ្វើកិច្ចប្រជុំកំពូលថ្នាក់ដឹកនាំចិន-បារាំង-អាល្លឺម៉ង់តាមប្រព័ន្ធវីដេអូ។ ថ្នាក់ដឹកនាំនៃប្រទេសទាំងបីបានផ្លាស់ប្តូរមតិយោបល់យ៉ាងស៊ីជម្រៅអំពីការរួមសហការទប់ទល់នឹងបម្រែបម្រួលអាកាសធាតុ ទំនាក់ទំនងរវាងចិននិងអឺរ៉ុប កិច្ចសហប្រតិបត្តិការក្នុងការប្រយុទ្ធប្រឆាំងនឹងជំងឺឆ្លង ព្រមនិងបញ្ហាសំខាន់ៗលើផ្ទៃអន្តរជាតិនិងក្នុងតំបន់ ៕
លោកស៊ី ជីនភីងបានគូសបញ្ជាក់ថា ប្រទេសចិនបានប្រកាសថានឹងខិតខំសម្រេចការកាត់បន្ថយការបញ្ចេញកាបូនបន្ទាប់ពីឡើងដល់កម្រិតកំពូលមុនឆ្នាំ២០៣០ ព្រមនិងអព្យាក្រឹតកាបូនមុនឆ្នាំ២០៦០ផងដែរ។ ភាគីចិននឹងជំរុញឱ្យអនុវត្តជាក់ស្តែងនូវ《អនុសញ្ញាក្របខ័ណ្ឌស្តីពីបម្រែបម្រួលអាកាសធាតុនៃអង្គការសហប្រជាជាតិ》និង《កិច្ចព្រមព្រៀងក្រុងប៉ារីស》 ព្រមនិងធ្វើកិច្ចសហប្រតិបត្តិការរវាងប្រទេសកំពុងអភិវឌ្ឍន៍លើវិស័យបម្រែបម្រួលអាកាសធាតុ។ លោករំពឹងទុកថា តួអង្គសេដ្ឋកិច្ចជឿនលឿនអាចដើរតួនាទីជាគំរូល្អក្នុងការកាត់បន្ថយការបញ្ចេញកាបូន៕
