ប៉ុន្មានថ្ងៃកន្លងទៅនេះ តំណាងនៃប្រទេសជាច្រើនបានថ្លែងសុន្ទរកថាក្នុងកិច្ចប្រជុំលើកទី៤៦នៃក្រុមប្រឹក្សាសិទ្ធិមនុស្សអង្គការសហប្រជាជាតិដោយសម្តែងការគាំទ្រចំពោះប្រទេសចិនក្នុងបញ្ហាពាក់ព័ន្ធតំបន់XinJiang និងបញ្ហាហុងកុង ហើយប្រឆាំងនឹងការជ្រៀតជ្រែកកិច្ចការផ្ទៃក្នុងរបស់ប្រទេសចិន និងកោតសរសើរនូវផ្លែផ្កានៃប្រទេសចិនក្នុងការទប់ទល់នឹងការរីករាលដាលនៃជំងឺឆ្លង។
ប្រទេសវ៉េណេស៊ុយអេឡាបានកោតសរសើរចំពោះភូមិភាគស្វយ័តស៊ីនជាំងរបស់ប្រទេសចិនដែលបានចាត់វិធានការប្រឆាំងភេវរកម្មដោយអនុលោមតាម“ យុទ្ធសាស្ត្រប្រឆាំងភេរវនិយមជាសកលរបស់អង្គការសហប្រជាជាតិ” និងទទួលបានលទ្ធផលជាវិជ្ជមាន។
ចំណែកប្រទេសកូរ៉េខាងជើងបានបញ្ជាក់ថាកូរ៉េខាងជើងគាំទ្រវិធានការរបស់ចិនក្នុងការការពារអធិបតេយ្យភាព សន្តិសុខ ផលប្រយោជន៍អភិវឌ្ឍន៍ជាតិព្រមទាំងការលើកកម្ពស់និងការពារសិទ្ធិមនុស្ស និងប្រឆាំងយ៉ាងដាច់ខាតចំពោះប្រទេសពាក់ព័ន្ធដែលជ្រៀតជ្រែកកិច្ចការផ្ទៃក្នុងរបស់ចិនដោយយកករណីភូមិភាគស្វយ័តស៊ីនជាំងនិងបញ្ហាហុងកុងធ្វើជាលេស។
ប្រទេសស្រីលង្កាបានកោតសរសើរចំពោះភូមិភាគស្វយ័តស៊ីនជាំងរបស់ប្រទេសចិនដែលបានលើកកម្ពស់ការអភិវឌ្ឍសេដ្ឋកិច្ចនិងសង្គមយ៉ាងសកម្ម រក្សាស្ថិរភាពសង្គមនិងការពារ សិទ្ធិគ្រប់ផ្នែករបស់គ្រប់ជនជាតិនៅស៊ីនជាំង។