ថ្ងៃទី២៥ ខែកុម្ភៈលោកស៊ីជីនភីងអ្នកដឹកនាំកំពូលនៃបក្សនិងរដ្ឋចិនបានថ្លែងថា ភាពក្រីក្រមិនមែនជាសង្គមនិយមទេ ប្រសិនបើតំបន់ក្រីក្របន្តមានភាពក្រីក្រក្នុងរយៈពេលយូរ ស្ថានការណ៍មិនអាចទទួលបានការកែប្រែ កម្រិតជីវភាពរស់នៅរបស់ប្រជាជនមិនត្រូវបានលើកកម្ពស់យ៉ាងលេចធ្លោក្នុងរយៈពេលយូរ នោះវាមិនអាចបង្ហាញពីឧត្តមភាពនៃរបបសង្គមនិយមទេ ហើយក៏មិនមែនជាសង្គមនិយមដែរ។
មជ្ឈិមបក្សកុម្មុយនិស្តចិន ក្រុមប្រឹក្សាកិច្ចការរដ្ឋចិនបានរៀបចំធ្វើមហាសន្និបាតបូកសរុបលទ្ធផលការងារនិងប្រគល់ប័ណ្ឌសរសើរស្តីពីសមិទ្ធផលពុះពារឧបសគ្គក្នុងការលុបបំបាត់ភាពក្រីក្រចាប់ពីសមាជបក្សកុម្មុយនិស្តចិនលើកទី១៨មក។
ចាប់ពីសមាជបក្សកុម្មុយនិស្តចិនលើកទី១៨មក បក្សកុម្មុយនិស្តចិនបានចាត់ទុកការងារពុះពារឧបសគ្គក្នុងការលុបបំបាត់ភាពក្រីក្រក្នុងជាភារកិច្ចសំខាន់ នៃអភិបាលិកិច្ចជាតិបានធ្វើឱ្យជនក្រីក្រនៅជនបទចេញផុតពីភាពក្រីក្រទាំងអស់ គិតជាមធ្យមក្នុងមួយឆ្នាំ មានជនក្រីក្រជាង១០លាននាក់បានចេញផុតពីភាពក្រីក្រ ស្មើនឹងចំនួនប្រជាជនទាំងអស់នៃប្រទេសខ្នាតមធ្យមមួយ។ការអភិវឌ្ឍសេដ្ឋកិច្ចសង្គមនៅតំបន់ក្រីក្រមានការកែប្រែយ៉ាងខ្លាំង។ចំនួនជនក្រីក្រដែលបានចុះបញ្ជីសុទ្ធតែមិនព្រួលបារម្ភពីបញ្ហាហូកចូកម្ហូនិងស្លៀកពាក់ ទទួលបានការអប់រំជាកាតព្វកិច្ច សេវាសុខាភិបាលជាមូលដ្ឋាន សុវត្ថិភាពលំនៅដ្ឋាននិងទឹកហូបមានការធានា ប្រាក់ចំណូលគិតជាមធ្យមក្នុងមនុស្សម្នាក់បានកើនឡើងពី២៩៨២យាន់ប្រាក់ចិននៅឆ្នាំ២០១៥ដល់១០៧៤០យាន់ប្រាក់ចិននៅឆ្នាំ២០២០ អត្រាកំណើនក្នុងមួយឆ្នាំគឺ២៩,២% សមត្ថភាពចេញផុតពីក្រីក្រដោយខ្លួនឯងបានត្រូវលើកកម្ពស់ជាសន្សឹមៗ។ផ្ទះទ្រុឌទ្រោមរបស់ជនក្រីក្រចំនួន២៥លាន៦សែន៨ម៉ឺននា់នៃគ្រួសារចំនួន៧លាន៩សែនគ្រួសារទទួលបានការជួសជុលលម្អ ផ្លូវថ្នល់ជនបទដែលជុសជុលឡើងវិញមានប្រវែងសុរប១លាន១សែនគីឡូម៉ែត្រ បន្ថែមការសាងសង់ផ្លូវដែកប្រវែង៣,៥ម៉ឺនគីឡូម៉ែត្រ។អត្រាផ្គត់ផ្គង់អគ្គិសនីនៅក្នុងតំបន់ក្រីក្រឡើងដល់៩៩% អត្រាតភ្ជាប់បណ្តាញអ៊ីនធឺណែតតាមបច្ចេកវិទ្យា4GនិងFiber opticsនៅភូមិក្រីក្រចំនួនលើសពី៩៨%៕