ទាក់ទិននឹងស្ថានការណ៍រីករាលដាលនៃជំងឺកូវីដ១៩នាពេលបច្ចុប្បន្ននៅសហរដ្ឋអាមេរិក លោកស្រី Hua Chunying អ្នកនាំពាក្យក្រសួងការបរទេសចិនបានថ្លែងក្នុងសន្និសីទសារព័ត៌មានជាប្រចាំកាលពីថ្ងៃទី២១ខែមករាថា លោក ស៊ី ជីនភីង ប្រធានរដ្ឋចិនធ្លាប់គូសបញ្ជាក់ជាច្រើនលើកច្រើនសាមកហើយថា ការរួមសាមគ្គីគ្នានិងកិច្ចសហប្រតិបត្តិការគឺជាអាវុធដ៏ខ្លាំងក្លាបំផុតដើម្បីយកឈ្នះលើជំងឺកូវីដ១៩។ ប្រទេសចិនរីករាយបន្តរួមជាមួយបណ្តាប្រទេសនានាក្នុងនោះបូករួមទាំងសហរដ្ឋអាមេរិកផងដើម្បីបង្កើនកិច្ចសហប្រតិបត្តិការ ក៏ដូចជារីករាយបន្តផ្តល់ជំនួយនិងការគាំទ្រតាមលទ្ធភាពដែលអាចធ្វើបានចំពោះសហរដ្ឋអាមេរិកដើម្បីប្រយុទ្ធប្រឆាំងនឹងជំងឺកូវីដ១៩ ផងដែរ។
តាមការផ្សាយដំណឹងបានឱ្យដឹងថា ចំនួនមនុស្សស្លាប់ដោយសារជំងឺកូវីដ១៩នៅសហរដ្ឋអាមេរិកបច្ចុប្បន្នបានកើនលើសពី៤សែននាក់ ក្រុងវ៉ាស៊ីនតោនបានធ្វើសកម្មភាពគោរពវិញ្ញាណ្ខន្ធជាពិសេស ។ លោកJoe Biden ប្រធានាធិបតីថ្មី សហរដ្ឋអាមេរិកបានលើកឡើងក្នុងសុន្ទរកថាឡើងកាន់មុខតំណែងថា សហរដ្ឋអាមេរិកកំពុងឈានចូលដំណាក់កាលអាក្រក់បំផុតនៃការរីករាលដាលនៃជំងឺកូវីដ១៩ ត្រូវការប្រមែប្រមូលផ្តុំកម្លាំងទាំងអស់ដើម្បីឆ្លងកាត់រដូវរងារដ៏ខ្មៅងងឺតនេះ៕