លោកស្រី Hua Chunying អ្នកនាំពាក្យក្រសួងការបរទេសចិនបានថ្លែងពេលឆ្លើយសំណួរ ក្នុងសន្និសីទសារព័ត៌មានជាប្រចាំកាលពីថ្ងៃទី២១ខែមករាថា តាំងពីលោកGuterres ចូលកាន់មុខតំណែងជាអគ្គលេខាធិការនៃអង្គការសហប្រជាជាតិមក អង្គការសហប្រជាជាតិបានដើរតួនាទីយ៉ាងសកម្មក្នុងការគាំពារសន្តិភាពនិងសន្តិសុខពិភពលោក ការជំរុញការអភិវឌ្ឍជានិរន្តរភាព និងការជំរុញកិច្ចសហប្រតិបត្តិការអន្តរជាតិខាងការទប់ស្កាត់ជំងឺកូវីដ១៩ ប្រទេសចិនសូមវាយតម្លៃខ្ពស់ចំពោះសមិទ្ធផលទាំងនេះ ប្រទេសចិនសម្គាល់ឃើញថា លោកGuterres គឺជាបក្ខជនដ៏សក្តិសមសម្រាប់តំណែងជាអគ្គលខាធិការនៃអង្គការសហប្រជាជាតិអាណត្តិក្រោយ។
លោកស្រី Hua Chunying បានថ្លែងទៀតថា ក្នុងនាមជាអង្គការអន្តរជាតិអន្តររដ្ឋាភិបាលដែលប្រកបដោយលក្ខណៈទូទៅ ភាពជាតំណាងនិងកិត្យានុភាព ៧០ឆ្នាំកន្លងមកនេះអង្គការសហប្រជាជាតិបានរួមចំណែកដ៏សំខាន់ដើម្បីជំរុញសន្តិភាពនិងការអភិវឌ្ឍរបស់ពិភពលោក ពោលគឺមានតួនាទីដ៏សំខាន់មិនអាចជំនួសបានឡើយ៕