កាលពីថ្ងៃទី ២១ ខែមករាតាមម៉ោងក្នុងតំបន់ ទីភ្នាក់ងារអង្គការសុខភាពពិភពលោកប្រចាំតំបន់អាហ្វ្រិកបានធ្វើសន្និសីទសារព័ត៌មានតាមអនឡាញដើម្បីធ្វើបទបង្ហាញពីផែនការនិងការលំបាកនៃការចាក់វ៉ាក់សាំងប្រឆាំងវីរុសកូវីដ១៩ដោយទ្រង់ទ្រាយធំក្នុងទ្វីបអាហ្វ្រិក។ លោក Matshidiso Rebecca Moetiនាយកទីស្នាក់ការប្រចាំតំបន់អាហ្វ្រិកនៃអង្គការសុខភាពពិភពលោកបានមានប្រសាសន៍ថា ក្នុងរយៈពេលដ៏ខ្លីបន្ទាប់ពីការលេចចេញវីរុសកូវីដ១៩ វ៉ាក់សាំងដ៏មានសុវត្ថិភាពនិងប្រសិទ្ធភាពជាច្រើនត្រូវបានស្រាវជ្រាវនិងផលិតឡើងហើយទទួលបានការអនុម័តឱ្យប្រើប្រាស់នៅទូទាំងពិភពលោកនេះជាសមិទ្ធផលដ៏អស្ចារ្យមួយ។
ប៉ុន្តែ ដោយសារប្រទេសមួយចំនួនបានឈានដល់កិច្ចព្រមព្រៀងទ្វេភាគីក្នុងការបញ្ជាទិញវ៉ាក់សាំងប្រឆាំងវីរុសកូវីដ១៩ ដែលនាំឱ្យមានការស្តុកទុកវ៉ាក់សាំងយ៉ាងច្រើនសន្ធឹក ដែលនាំឱ្យវ៉ាក់សាំងឡើងថ្លៃ ការនេះនឹងប៉ះពាល់យ៉ាងខ្លាំងដល់ការងើបឡើងវិញនៃបណ្តាប្រទេសអាហ្វ្រិកពីការរីករាលដាលជំងឺឆ្លងនេះ។
