កាលពីថ្ងៃទី២០ខែមករាតាមម៉ោងក្នុងតំបន់លោកCharles Michelប្រធានក្រុមប្រឹក្សាអឺរ៉ុប បានថ្លែងថា ការដែលលោកJoseph Robinette Bidenឡើងកាន់តំណែងជាប្រធានាធិបតីអាមេរិកបានផ្តល់ឱកាសសម្រាប់ការស្តារទំនាក់ទំនងឆ្លងមហាសមុទ្រអាត្លង់ទិកឡើងវិញ ប៉ុន្តែការខ្វែងគំនិតជាជាច្រើនរវាងអឺរ៉ុបនិងសហរដ្ឋអាមេរិកនឹងមិនអាចសាបសូន្យទៅដោយសាររឿងនេះនោះឡើយ។សហភាពអឺរ៉ុបត្រូវដើរតួនាទីកាន់តែសំខាន់លើឆាកអន្តរជាតិ និងពង្រឹងស្វ័យភាពផ្នែកយុទ្ធសាស្ត្ររបស់ខ្លួនបន្ថែមទៀត។
នៅថ្ងៃដដែលនោះលោកCharles Michel បានលើកឡើងនូវវិស័យសំខាន់ៗចំនួន ៥ សម្រាប់ការពង្រឹងកិច្ចសហប្រតិបត្តិការរវាងអឺរ៉ុបនិងសហរដ្ឋអាមេរិក ដែលរួមមានទាំងការជំរុញកិច្ចសហប្រតិបត្តិការពហុភាគី រួមគ្នាប្រយុទ្ធប្រឆាំងនឹងការរីករាលដាលនៃជំងឺកូវីដ១៩និងការឆ្លើយតបនឹងបម្រែបម្រួលអាកាសធាតុជាដើម។
នៅថ្ងៃដដែលលោកស្រីUrsula von der Leyen ប្រធានគណៈកម្មាធិការសហភាពអឺរ៉ុប ក៏បានថ្លែងសុន្ទរកថានៅក្នុងសភាអឺរ៉ុបដោយលើកឡើង ថា សហភាពអឺរ៉ុបបានត្រៀមខ្លួនរួចហើយដើម្បីផ្លាស់ប្តូរទំនាក់ទំនងជាមួយសហរដ្ឋអាមេរិក ប៉ុន្តែក្នុងពេលជាមួយគ្នានេះ សហភាពអឺរ៉ុបក៏ត្រូវដឹងច្បាស់ដែរអំពីបញ្ហាប្រឈមនាពេលបច្ចុប្បន្ននៃទំនាក់ទំនងអឺរ៉ុប - អាមេរិក។
