រសៀលថ្ងៃទី១៩ ខែមករា នៅក្នុងសន្និសីទសារព័ត៌មានជាប្រចាំរបស់ក្រសួងការបរទេសចិន មានអ្នកសារព័ត៌មានបានសួរថា លោកប្រធានរដ្ឋចិនស៊ីជីនភីងនឹងចូលរួមក្នុងកិច្ចប្រជុំសន្ទនាស្តីពី“របៀវារៈដាវ៉ូស”នៃវេទិកាសេដ្ឋកិច្ចពិភពលោក តើចិនមានការរំពឹងទុកអ្វីខ្លះចំពោះ កិច្ចប្រជុំសន្ទនាលើកនេះ? ហើយចិនបញ្ចេញព័ត៌មានអ្វីខ្លះ?
លោកស្រីHuaChunying អ្នកនាំពាក្យក្រសួងការបរទេសចិនបានឆ្លើយតបថា នៅខែមករាឆ្នាំ២០១៧ លោកប្រធានរដ្ឋចិនស៊ីជីនភីងបានចូលរួមកិច្ចប្រជុំប្រចាំឆ្នាំនៃវេទិកាសេដ្ឋកិច្ចពិភពលោកជាលើកដំបូងព្រមទាំងបានថ្លែងសុន្ទរកថាគន្លឹះនៅក្នុងពិធីបើក ដែលបានអធិប្បាយជាប្រព័ន្ធនូវគំនិតផ្តួចផ្តើមរបស់ចិនអំពីការធ្វើសកលភាវូបនីយកម្មសេដ្ឋកិច្ច បានធ្វើឱ្យសហគមន៍អន្តរជាតិមានការចាប់អារម្មណ៍យ៉ាងខ្លាំង។នាពេលបច្ចុប្បន្ននេះ ជំងឺកូវីដ១៩នៅតែកំពុងរីករាលដាលនៅទូទាំងពិភពលោក ហើយសេដ្ឋកិច្ចពិភពលោកបានថម ថយយ៉ាងខ្លាំង។ យើងសង្ឃឹមហើយជឿជាក់ថា កិច្ចប្រជុំសន្ទនានេះនឹងជួយប្រមូលផ្តុំគំនិតឯកភាពជាសកល កសាងទំនុកចិត្តជាសកលឡើងវិញ និងជំរុញកិច្ចសហប្រតិបត្តិការជាសកល ។
លោកស្រីHuaChunyingបានថ្លែងទៀតថា ប្រទេសចិននឹងបន្តរួមចំណែកជាពុទ្ធិនិងកម្លាំងរបស់ខ្លូនក្នុងកិច្ចសហប្រតិបត្តិការប្រយុទ្ធប្រឆាំងនឹងជំងឺកូវីដ១៩អន្តរជាតិ ការងើបឡើងវិញនៃសេដ្ឋកិច្ចពិភពលោក ការទប់ទល់បញ្ហាប្រឈមជាសកល និងធ្វើឱ្យមានសុក្រឹតភាពនូវអភិបាលកិច្ចជាសកល៕
