ពិព័រណ៍ចិន-អាស៊ាននិងកិច្ចប្រជុំកំពូលធុរកិច្ចនិងវិនិយោគចិន-អាស៊ានលើកទី១៧បានបិទបញ្ចប់នៅថ្ងៃទី៣០ខែវិច្ឆិកា បណ្តាភាគីបានចុះហត្ថលេខាលើគម្រោងវិនិយោគនិងកិច្ចសហប្រតិបត្តិការទាំងក្នុងនិងក្រៅប្រទេសចំនួន៨៦កម្រោង ដែលមានទំហំវិនិយោគសរុប ២៦៣៨៧០ លានយាន់ប្រាក់ចិន ត្រូវជាអត្រាកំណើន ៤៣,៦ ភាគរយ ដែលជាកំណើនខ្ពស់បំផុតក្នុងប្រវត្តិសាស្ត្រនៃពិព័រណ៍ចិន-អាស៊ាន ។ លោកស្រីHua Chunying អ្នកនាំពាក្យក្រសួងការបរទេសចិនបានថ្លែងអំពីរឿងនេះថា វាបានបង្ហាញយ៉ាងពេញលេញនូវកម្លាំងទាក់ទាញកាន់តែខ្លាំងឡើងៗនៃពិព័រណ៍ចិន-អាស៊ាន សហគ្រាសចិននិងអន្តរជាតិកាន់តែច្រើនឡើងៗកំពុងស្វែងរកផលប្រយោជន៍អភិវឌ្ឍន៍តាមរយៈវេទិកានេះ ។
លោកស្រីបានថ្លែងទៀតថា ប្រទេសចិនកំពុងពន្លឿនការកសាងនិម្មាបនកម្មអភិវឌ្ឍន៍ថ្មី ពង្រីកការបើកទូលាយយ៉ាងម៉ឺងម៉ាត់មិនងាករេ វានឹងជំរុញយ៉ាងខ្លាំងនូវការស្តារសេដ្ឋកិច្ចក្នុងតំបន់ឡើងវិញ ភាគីចិនរីករាយជំរុញកិច្ចសហប្រតិបត្តិការលើគ្រប់វិស័យជាមួយបណ្តាប្រទេសអាស៊ាននានា កសាងសហគមន៍រួមវាសនាចិន-អាស៊ានដែលកាន់តែជិតស្និទ្ធ ដើម្បីរួមចំណែកកាន់តែធំក្នុងការគាំពារសន្តិភាព ស្ថិរភាព វឌ្ឍនភាពនិងវិបុលភាពក្នុងតំបន់និងពិភពលោក ៕
