កាលពីថ្ងៃទី៣០ខែវិច្ឆិកា ពិព័រណ៍ចិន-អាស៊ានលើកទី១៧បានបិទបញ្ចប់នៅក្រុងណាននីងភូមិភាគស្វយ័តក្វាងស៊ីប្រទេសចិន ។ ពិព័រណ៍លើកនេះបានបង្ហាញយ៉ាងពេញលេញនូវសមិទ្ធផលរួមគ្នាប្រយុទ្ធប្រឆាំងនឹងជំងឺកូវីដ១៩រវាងចិននិងអាស៊ាន ធ្វើឱ្យស៊ីជម្រៅនូវការផ្លាស់ប្តូរនិងកិច្ចសហប្រតិបត្តិការលើវិស័យនានាដោយគ្រប់ជ្រុងជ្រោយ ដែលទទួលបានផ្លែផ្កាយ៉ាងល្អប្រសើរ ។
តាមការឧទ្ទេសនាមបានឱ្យដឹងថា ពិព័រណ៍លើកនេះបានរៀបចំសកម្មភាពជំរុញសេដ្ឋកិច្ចនិងពាណិជ្ជកម្មទាំងតាមអនឡាញនិងនៅកន្លែងផ្ទាល់សរុបជាង ១៥០ លើក បានរៀបចំវេទិកាជាន់ខ្ពស់ជាច្រើនក្នុងក្របខ័ណ្ឌពិព័រណ៍ចិន-អាស៊ានដែលគ្របដណ្តប់លើវិស័យជាច្រើន ដូចជាតំបន់ពាណិជ្ជកម្មសេរី សុខាភិបាល កំពង់ផែព័ត៌មាននិងហិរញ្ញវត្ថុជាដើម ដោយបានចុះហត្ថលេខាលើគម្រោងវិនិយោគនិងសហប្រតិបត្តិការចំនួន ៨៦ គម្រោង ដែលមានទំហំវិនិយោគសរុប ២៦៣៨៧០ លានយាន់ប្រាក់ចិន កើនឡើង 43,6 ភាគរយបើប្រៀបធៀបនឹងពិព័រណ៍លើកមុន គឺជាពិព័រណ៍ដែលមានកំណើនទំហំវិនិយោគច្រើនបំផុតគិតតាំងពីការរៀបចំពិព័រណ៍លើកដំបូងកាលពីឆ្នាំ ២០០៤ មក ៕