ពិព័រណ៍ចិន-អាស៊ានលើកទី១៧បានបើកធ្វើពីថ្ងៃទី២៧ដល់ថ្ងៃទី៣០ខែវិចិ្ឆកានៅក្រុងណាននីង ទីរួមខេត្តក្វាងស៊ី ។ លោក Djauhari Oratmangun ឯកអគ្គរដ្ឋទូតឥណ្ឌូនេស៊ីប្រចាំនៅចិនបានថ្លែងនៅពេលផ្តល់បទសម្ភាសន៍ពិសេសជាមួយអ្នកសារព័ត៌មានថា ជំងឺកូវីដ១៩នៅតែរីករាលដាលនៅទូទាំងពិភពលោកដដែល សេដ្ឋកិច្ចពិភពលោកទទួលរងការវាយប្រហារយ៉ាងខ្លាំង ហើយមានការលំបាកជាច្រើន ក្នុងកាលៈទេសៈដ៏លំបាកបែបនេះ ចិនបានរៀបចំធ្វើពិព័រណ៍ចិន-អាស៊ានដោយជោគជ័យគឺមានភាពអស្ចារ្យ គួរឱ្យស្ងប់ស្ងែង ។
លោក Djauhari Oratmangun បានថ្លែងថា ក្រោមក្របខ័ណ្ឌពិព័រណ៍ចិន-អាស៊ាន កិច្ចសហប្រតិបត្តិការផ្នែកសេដ្ឋកិច្ចនិងពាណិជ្ជកម្មរវាងឥណ្ឌូនេស៊ីនិងចិនបានដំណើរការយ៉ាងរលូននិងជិតស្និទ្ធ ។ តាមដឹង នៅឆ្នាំ២០១៩ ទំហំពាណិជ្ជកម្មនៃផលិតផលមិនមែនប្រេងកាតនិងឧស្ម័នធម្មជាតិរវាងចិននិងឥណ្ឌូនេស៊ីគឺដល់ទៅ៧ម៉ឺន៤រយ៣០លានដុល្លារអាមេរិក ដែលកើនឡើង១,១៤ភាគរយបើប្រៀបធៀបនឹងរយៈពេលដូចគ្នានាឆ្នាំទៅ ។ លោក Djauhari Oratmangun បានថ្លែងទៀតថា សង្ឃឹមថា ឆ្លងតាមរយៈពិព័រណ៍ចិន-អាស៊ាន អាចលើកកម្ពស់ទំហំពាណិជ្ជកម្មរវាងប្រទេសទាំងពីរថែមមួយកម្រិតទៀត ។
