កិច្ចជំនួបលើកទី១២នៃមេដឹកនាំប្រទេសBRICSបានធ្វើតាមប្រព័ន្ធវីដេអូនៅយប់ថ្ងៃទី១៧ខែវិច្ឆិកា ។ លោកស៊ីជីនភីង ប្រធានរដ្ឋចិនបានអញ្ជើញចូលរួមព្រមទាំងថ្លែងសុន្ទរកថាសំខាន់ ។
លោកស៊ីជីនភីងសង្កត់ធ្ងន់ថា បច្ចុប្បន្ន ការរាតត្បាតនៃជំងឺកូវីដ១៩និងបម្រែបម្រួលជាសតវត្សន៍កំពុងកើតឡើងដោយប្រសព្វគ្នា រចនាសម្ព័ន្ធអន្តរជាតិប្រែប្រួលដោយស៊ីជម្រៅ សង្គមមនុស្សជាតិកំពុងឆ្លងកាត់ការរីករាលដាលជំងឺឆ្លងដ៏ធ្ងន់ធ្ងរបំផុតក្នុងរយៈពេលមួយសតវត្សន៍មក ហើយសេដ្ឋកិច្ចពិភពលោកកំពុងរងការធ្លាក់ចុះធ្ងន់ធ្ងរបំផុតតាំងពីការថមថយយ៉ាងខ្លាំងកាលពីទស្សវត្សន៍ឆ្នាំ៣០ សតវត្សន៍មុនមក ។ យើងជឿជាក់ថា និន្នាការសន្តិភាពនិងការអភិវឌ្ឍមិនបានកែប្រែទេ ហើយពហុប៉ូលជាសកលនិងសមាហរណកម្មសេដ្ឋកិច្ចក៏មិនអាចបញ្ច្រាសបានទេ ។ យើងត្រូវតែគិតពិចារណាផលប្រយោជន៍របស់ប្រជាជន និងប្រកាន់ខ្ជាប់ញាណទស្សនៈអំពីសហគមន៍រួមវាសនានៃមនុស្សជាតិ រួមវិភាគទានដោយប្រតិបត្តិការជាក់ស្តែងដើម្បីកសាងពិភពល្អបវរ ៕