កាលពីថ្ងៃទី ២៨ ខែតុលា នៅក្រុងប៉េកាំង លោកWang Wenbin អ្នកនាំពាក្យក្រសួងការបរទេសចិនបានថ្លែងថា ការពិតបានបញ្ជាក់ថា វិធានការបង្ការជំងឺឆ្លងរបស់ប្រទេសចិនគឺវិធានការមានប្រសិទ្ធភាព។
ក្នុងសន្និសីទកាសែតជាប្រចាំដែលបានបើកធ្វើនៅថ្ងៃដដែល មានអ្នកសារព័ត៌មានបានសួរថា ក្រោយពីរកឃើញអ្នកឆ្លងវីរុសកូវីដ ១៩ ដែលគ្មានរោគសញ្ញា នៅតំបន់Kashi ខេត្តស៊ីនជាំង ប្រទេសចិនបានធ្វើតេសក្នុងទ្រង់ទ្រាយធំ ។ សូមសួរតើប្រទេសចិននឹងស្នើឱ្យប្រទេសដទៃទៀតធ្វើតេសក្នុងទ្រង់ទ្រាយធំបែបនេះឬអត់?
លោកWang Wenbin បានឆ្លើយតបថា តាំងពីផ្ទុះការរីករាលដាលជំងឺឆ្លង ប្រទេសចិនបានចាត់វិធានការបង្ការដែលប្រកបដោយភាពគ្រប់ជ្រោងជ្រុយបំផុតនិង តឹងរ៉ឹងបំផុត ដែលបានគ្រប់គ្រងការរាតត្បាតក្នុងស្រុកមុនគេ និងសម្រេចការស្តារសេដ្ឋកិច្ចឡើងវិញដែលប្រកបដោយភាពនឹងនរ ទទួលបានសមិទ្ធផលជាយុទ្ធសាស្រ្តធំនិងសំខាន់ក្នុងការប្រយុទ្ធប្រឆាំងនឹងជំងឺឆ្លង ។ ប្រទេសចិននឹងបន្តធ្វើកិច្ចសហប្រតិបត្តិការអន្តរជាតិផ្នែកការបង្ការនិងគ្រប់គ្រងជំងឺឆ្លងជាមួយបណ្តាប្រទេសនានា ដើម្បីពួតដៃគ្នាយកជ័យជម្នះលើជំងឺឆ្លងក្នុងពេលឆាប់ៗ ៕
