កាលពីថ្ងៃទី២៨ខែតុលា លោកវ៉ាង វិនពីន អ្នកនាំពាក្យក្រសួងការបរទេសចិនបានថ្លែងក្នុងសន្និសីទកាសែតជាប្រចាំថា បង្ខំឱ្យប្រទេសតូចនិងមធ្យមជ្រើសរើសភាគីម្ខាងណាមួយ ជាទង្វើរបស់មន្រ្តីអាមេរិកមួយចំនួនតូចដែលតែងតែធ្វើ ។ គួររំលឹកថា អំឡុងពេលលោកPompeo រដ្ឋមន្រ្តីការបរទេសអាមេរិកបានបំពេញទស្សនកិច្ចនៅប្រទេសស្រីលង្កា បានទាមទារឱ្យប្រទេសស្រីលង្កាធ្វើជម្រើសក្នុងបញ្ហាទំនាក់ទំនងជាមួយប្រទេសចិន។ពេលឆ្លើយសំណួរទាក់ទិននឹងរឿងនេះ លោកវ៉ាង វិនពីនបានឆ្លើយតបបែបនេះ។
តាមដំណឹងឱ្យដឹងថា មន្រ្តីនៃក្រសួងការបរទេសស្រីលង្កាបានចេញផ្សាយអត្ថបទថា ស្រីលង្កានឹងដោះស្រាយទំនាក់ទំនងការទូតតាមរយៈច្បាប់និងរដ្ឋធម្មនុញ្ញ ព្រមនិងឆន្ទៈរបស់ប្រជាជន មិនចាំបាច់មានអ្នកខាងក្រៅណាមកណែនាំឱ្យស្រីលង្កាអំពីរបៀបគ្រប់គ្រងប្រទេសទេ។
