ពិព័រណ៍នាំចូលចិនអន្តរជាតិលើកទី ៣ នឹងសម្ពោធន៍បើកពេលជិតៗខាងមុខ ។ ក្រោមបរិបទដែលការងារបង្ការនិងគ្រប់គ្រងជំងឺកូវីដ ១៩ ទៅជាការងារប្រក្រតី ភាគីនានាបានចាត់វិធានការច្រើនបែបយ៉ាងដើម្បីធានារៀបចំធ្វើពិព័រណ៍នាំចូលចិនអន្តរជាតិលើកទី ៣ ឱ្យបានល្អដែលប្រកបដោយគុណភាពខ្ពស់ ។
អនុលោមតាមតម្រូវការនៃការណែនាំស្តីពីការបង្ការជំងឺឆ្លងនៃពិព័រណ៍នេះ មុនពេលចូលក្នុងពន្លាតាំងពិព័រណ៍ ត្រូវតែសម្លាប់មេរោគលើផ្ទៃប្រអប់ខ្ចប់ទំនិញជាមុន និងធានាការបង្ការការរីករាលដាលជំងឺឆ្លងតាមរយៈរថយន្ត បុគ្គលិកនិងទំនិញតាំងពិព័រណ៍ ។ កាលពីថ្ងៃទី ២៧ ខែតុលា ធនាគារនាំចេញនាំចូលចិនបានចេញផ្សាយគម្រោងសេវាហិរញ្ញវត្ថុពិសេស ព្រមទាំងប្រកាសផ្តល់កូតាពិសេសសម្រាប់ការនាំចូលក្នុងទំហំទឹកប្រាក់ ៣៥ ម៉ឺនលានយាន់ប្រាក់ចិន ។ ព្រមពេលជាមួយគ្នា គយចិននឹងចាត់វិធានការស្តីពីកិច្ចសម្រួលធុរកិច្ចអេឡិកត្រូនិកឆ្លងដែនថែមមួយកម្រិតទៀត ។