ទិន្នន័យស្ថិតិថ្មីបំផុតនៃជំងឺកូវីដ១៩ដែលរាយការណ៍ដោយប្រទេសអាល្លឺម៉ង់កាលពីថ្ងៃទី២៨ខែតុលាបានបង្ហាញថា គិតរហូតមកដល់ម៉ោងសូន្យនៅថ្ងៃដដែលនោះ ប្រទេសអាល្លឺម៉ង់បានរកឃើញអ្នកឆ្លងជំងឺថ្មី១ម៉ឺន៤ពាន់៩រយ៦៤នាក់បើប្រៀបធៀបនឹងថ្ងៃទី២៧ខែតុលា បានបង្កើតកំណត់ត្រាថ្មីទៀតនៃការកើនឡើងក្នុងរយៈពេលតែមួយថ្ងៃចាប់តាំងផ្ទុះការរីករាលដាលជំងឺមក។
រដ្ឋាភិបាលនិងរដ្ឋបាលរដ្ឋនានារបស់សហព័ន្ធអាល្លឺម៉ង់បានឈានដល់កិច្ចព្រមព្រៀងនៅថ្ងៃទី២៨ខែតុលា ដើម្បីចៀសវាងកុំធ្វើឱ្យប្រទេសអាល្លឺម៉ង់ធ្លាក់ក្នុងសភាពការណ៍ជាបន្ទាន់ផ្នែកសុខាភិបាលដែលមានលក្ខណៈទូទាំងប្រទេស ចាប់ពីថ្ងៃទី២ខែវិច្ឆិកាតទៅ អាល្លឺម៉ង់នឹងបិទកន្លែងហុបចុក កន្លែងកម្សាន្តនិងកីឡា ដូចជាភោជ្ជនីយដ្ឋាន គ្លឹប រោងកុន រោងល្ខោន សួនកុមារ កន្លែងហាត់ប្រាណ ហាងសម្ផស្សជាដើម រហូតដល់ចុងខែវិច្ឆិកា តែ ការទិញម្ហូបខ្ចប់ពីភោជ្ជនីយដ្ឋាននិងសេវាកម្មកាត់សក់ជាដើមនោះ អាចដំណើរការដដែល។