នាពេលថ្មីៗកន្លងទៅនេះ លោក Kamran Vossoughi នាយកប្រតិបត្តិនៃក្រុមហ៊ុន Michelin ប្រចាំនៅប្រទេសចិនបានថែ្លងក្នុងពេលផ្តល់បទសម្ភាសន៍ពិសេសជាមួយអ្នកសារព័ត៌មាន CGTN ថា ដោយសារតែវិធានការបិទទីក្រុង បានជាប្រជាជនមិនអាចធ្វើការប្រាស្រ័យនិងទាក់ទងគ្នាទៅវិញទៅមកបានទេ។មនុស្សគ្រប់រូបសុទ្ធតែឆ្លងកាត់ខែកុម្ភៈនិងខែមីនាដ៏លំបាកលំបិន ហើយទីផ្សារគ្រឿងបរិក្ខារក្នុងតំបន់នៃឧស្សាហកម្មសំបកកង់ទទួលរងផលប៉ះពាល់យ៉ាងធ្ងន់ធ្ងរ។ ពីព្រោះរោងចក្រជាច្រើនបានផ្អាកផលិតកម្មបណ្តាលឱ្យបរិមាណដឹកអ្នកដំណើរនិងដឹកជញ្ជូនទំនិញត្រូវកាត់បន្ថយ រីឯមុខរបរសំបកកង់មានផ្សារជាប់យ៉ាងជិតស្និទ្ធជាមួយមុខរបរគមនាគមន៍ បានជាការកាត់បន្ថយនៃបរិមាណសរុបនៃមុខរបរដឹកអ្នកដំណើរនិងដឹកជញ្ជូនទំនិញបានបណ្តាលឱ្យការប្រើប្រាស់សំបកកង់ត្រូវកាត់បន្ថយ។ប៉ុន្តែខ្ញុំជឿជាក់ថា ប្រទេសចិនមានតម្រូវការក្នុងស្រុកយ៉ាងខ្លាំង។សំបកកង់Michelinបានចូលទីផ្សារចិនអស់រយៈពេលជាង ៣០ ឆ្នាំហើយ ខ្ញុំរំពឹងថា យ៉ាងហោចណាស់ ពួកយើងអាចធ្វើអាជីវកម្មនៅប្រទេសចិនរយៈពេល ១០០ ឆ្នាំតទៅទៀត។និយាយាសម្រាប់ផ្ទាល់ខ្ញុំ ពិព័រណ៍នាំចូលចិនអន្ដរជាតិមិនត្រឹមតែជាវេទិកាពាណិជ្ជកម្មប៉ុណ្ណោះទេ ថែមទាំងក៏ជាវេទិកាមួយសម្រាប់ជំរុញកិច្ចសន្ទនាផងដែរ៕
