ថ្ងៃទី៦ខែកញ្ញា គណៈកម្មការសុខាភិបាលក្រុងប៉េកាំងបានសហការជាមួយនិងអង្គការជាច្រើនដូចជាការិយាល័យតំណាងអង្គការសុខភាពពិភពលោកប្រចាំនៅប្រទេសចិនជាដើមដើម្បីរួមគ្នាចេញសេចក្តីប្រកាសពី«គំនិតផ្តួចផ្តើមក្រុងប៉េកាំង»ក្នុងវេទិកាសុខាភិបាលសាធារណៈនៃពិព័រណ៍ពាណិជ្ជកម្មសេវាកម្មអន្តរជាតិចិនឆ្នាំ២០២០ ដោយអំពាវនាវឱ្យរួមគ្នាប្រយុទ្ធប្រឆាំងនឹងការគំរាមកំហែងពីជំងឺរាតត្បាលលើពិភពលោក។
គំនិតផ្តួចផ្តើមបានបង្ហាញថា បណ្តាភាគីនានាគួរប្រកាន់ខ្ជាប់នូវស្មារតីនៃការបើកទូលាយនិងបរិយាប័ន្ន ការរៀនសូត្រពីគ្នាទៅវិញទៅមក ការផ្តល់ផលប្រយោជន៍ដល់គ្នានិងឈ្នះ-ឈ្នះ សមភាពនិងតម្លាភាព និងការគោរពគ្នាទៅវិញទៅមក ដើម្បីប្រមូលផ្តុំពុទ្ធិផ្នែកទប់ស្កាត់ជំងឺឆ្លងរបស់ពិភពលោក រួមគ្នាប្រយុទ្ធប្រឆាំងនឹងការគំរាមកំហែងពីជំងឺរាតត្បាលលើពិភពលោក បង្កើនកិច្ចសហប្រតិបត្តិការផ្នែកសុខាភិបាលនៅក្នុងក្របខណ្ឌពិភពលោក ជំរុញសន្តិសុខសុខាភិបាលសាធារណៈនៃពិភពលោកទាំងមូល។