កាលពីថ្ងៃទី៥ខែសីហា លោក Wang Wenbin អ្នកនាំពាក្យក្រសួងការបរទេសចិនបានឆ្លើយតបចំពោះការដែលរដ្ឋមន្ត្រីការពារជាតិហ្វីលីពីនសម្តែងអាកប្បកិរិយាវិជ្ជមានចំពោះប្រទេសចិន ។ លោកបានថ្លែងថា ការសម្តែងអាកប្បកិរិយាវិជ្ជមានរបស់ភាគីហ្វីលីពីនគឺបានបង្ហាញឱ្យឃើញម្តងទៀតនូវគោលនយោបាយការទូតដ៏ឯករាជ្យរបស់ហ្វីលីពីន ហើយក៏បានបង្ហាញពីគោលបំណងរួមរបស់ប្រទេសក្នុងតំបន់ដែលខិតខំស្វែងរកសន្តិភាពនិងជំរុញការអភិវឌ្ឍផងដែរ ។
តាមការផ្សាយដំណឹងឱ្យដឹងថា ពេលថ្មីៗកន្លងទៅនេះ លោក Delfin Lorenzana រដ្ឋមន្ត្រីការពារជាតិហ្វីលីពីនបានថ្លែងថា តាមបទបញ្ជារបស់លោក Rodrigo Duterte ប្រធានាធិបតីហ្វីលីពីន ប្រទេសហ្វីលីពីននឹងមិនចូលរួមសមយុទ្ធយោធាដែលប្រទេសដទៃទៀតរៀបចំធ្វើនៅសមុទ្រចិនខាងត្បូងនោះទេ ដើម្បីចៀសវាងបង្កើនភាពតានតឹងនៅសមុទ្រចិនខាងត្បូង ។