ថ្ងៃទី ៥ ខែសីហា លោក Wang Wenbin អ្នកនាំពាក្យក្រសួងការបរទេសចិនបានថ្លែងក្នុងសនិ្នសីទសារព័ត៌មានជាប្រចាំថា ប្រទេសចិនស្វាគមន៍ជានិច្ចចំពោះសហគ្រាសនៃបណ្តាប្រទេសនានា ក្នុងនោះក៏បូករួមទាំងប្រទេសអឺរ៉ុបផងដែរមកវិនិយោគនិងធ្វើអាជីវកម្មនៅប្រទេសចិន ព្រមនិងប្រកាន់ខ្ជាប់មិនងាករេនូវការធ្វើឱ្យកំណែទម្រង់មានភាពកាន់តែស៊ីជម្រៅ និងបើកចំហកាន់តែធំទូលាយ ក្នុងន័យផ្តល់ឱកាសកិច្ចសហប្រតិបតិ្តការកាន់តែច្រើនសម្រាប់សហគ្រាសនៃបណ្តាប្រទេសនានាធ្វើការអភិវឌ្ឍ ក៏ដូចជាបង្កើតអត្ថប្រយោជន៍អភិវឌ្ឍកាន់តែច្រើននៅប្រទេសចិនផងដែរ ។
គួរបញ្ជាក់ថា នាពេលថ្មីៗកន្លងទៅនេះ លោក Joerg Wuttke ប្រធានសភាពាណិជ្ជកម្មចិននិងសហភាពអឺរ៉ុបបានថ្លែងថា ពិតមែនតែការរាលដាលនៃជំងឺកូវីដ១៩បានប៉ះពាល់ដល់សហគ្រាសនៃសហភាពអឺរ៉ុបដែលទៅធ្វើអាជីវកម្មនៅចិនក្តី ប៉ុន្តែសហគ្រាសអឺរ៉ុបនៅតែពោរពេញទៅដោយជំនឿចិត្តចំពោះការអភិវឌ្ឍនៅប្រទេសចិនដដែល ៕
