ថ្ងៃទី៥ ខែសីហា អង្គការស្រីនៃអង្គការសហប្រជាជាតិបានប្រារព្ធធ្វើសនិ្នសីទអន្តរជាតិតាមប្រព័ន្ធវីដេអូស្តីពីកិច្ចសហប្រតិបតិ្តការប្រយុទ្ធប្រឆាំងនឹងជំងឺឆ្លង។ ថ្លែងក្នុងសុន្ទរកថា តំណាងចិនបានចែករំលែកបទពិសោធន៍ចិនជាមួយបណ្តាប្រទេសនានាលើសកលលោក ក្នុងនោះបូករួមទាំងបទពិសោធន៍ក្នុងការប្រយុទ្ធប្រឆាំងនឹងជំងឺឆ្លងនិងការជំរុញការអភិវឌ្ឍកិច្ចការនារីជាដើម ។ សន្និសីទលើកនេះរៀបចំធ្វើក្រោមប្រធានបទ “ពីការទប់ទល់ដល់ការស្តារឡើងវិញ បទពិសោធន៍នៃប្រទេសចិននិងដៃគូសហប្រតិបតិ្តការលើសកលលោក” តំណាងថ្នាក់រដ្ឋមន្ត្រីនៃប្រទេសចំនួន១១ រួមមានទាំងប្រទេសចិន អេហ្ស៊ីប មីយ៉ាន់ម៉ា ប៉ាគីស្ថាន អ៊ូហ្កង់ដា និងសេណេហ្កាល់ជាដើម បានចូលរួមសនិ្នសីទលើកនេះ ។
លោកស្រី Huang Xiaowei អនុប្រធានគណៈកម្មាធិការកិច្ចការនារីនិងកុមារនៃក្រុមប្រឹក្សាកិច្ចការរដ្ឋចិន និងជាលេខាធិការទីមួយនៃលេខាធិការដ្ឋាននៃសមាគមនារីទូទាំងប្រទេសចិន បានចែករំលែកនូវសមិទ្ធផលនិងបទពិសោធន៍របស់ប្រទេសចិនក្នុងការជំរុញការងារបង្ការនិងគ្រប់គ្រងជំងឺឆ្លង និងការអភិវឌ្ឍសេដ្ឋកិច្ចសង្គមជាមួយសហគមន៍អន្តរជាតិក្នុងសន្និសីទលើកនេះ ។
លោកស្រី Phumzile Mlambo-Ngcukaប្រធានប្រតិបតិ្តនៃអង្គការស្ត្រីនៃអង្គការសហប្រជាជាតិបានរំពឹងថា បណ្តាប្រទេសនានាអាចរៀនសូត្រពីគ្នាទៅវិញទៅមក បង្កើនការផ្លាស់ប្តូរនិងកិច្ចសហប្រតិបតិ្តការ ក្នុងន័យរួមគ្នាជំរុញការបង្កើតពិភពលោកដែលប្រកបដោយភាពធន់ បរិយាប័ន្ននិងសមភាព ៕
