ពេលថ្មីៗកន្លងទៅនេះ ដំណឹងដែលថា ភាគីអាមេរិកប៉ុនប៉ងប្រើមធ្យោបាយរដ្ឋបាលបិទកម្មវិធី TikTok ដែលជាបណ្តាញទំនាក់ទំនងសង្គមដែលមានប្រភពពីប្រទេសចិនបានធ្វើឱ្យមានប្រតិកម្មយ៉ាងខ្លាំង ។ មានឥស្សរជនវិភាគបង្ហាញថា នេះគឺជាការធ្វើទុក្ខបុកម្នេញខាងនយោបាយមួយលើកដែលបំផុសដោយអ្នកនយោបាយអាមេរិកនិងយក្សអ៊ីនធើណេតមួយចំនួន ដែលបង្ហាញពីគំនិតឆ្កួតរបស់អ្នកនយោបាយអាមេរិកដែលបង្កការបដិបក្ខគ្នារវាងចិននិងអាមេរិកដោយចេតនានិងដាក់សម្ពាធទៅលើការអភិវឌ្ឍរបស់ប្រទេសចិន ហើយក៏បានលាតត្រដាងពីមុខមាត់លាក់ពុតនៃអ្វីដែលហៅថា “ការប្រកួតប្រជែងដោយសមភាព”របស់ភាគីអាមេរិកផងដែរ ។
លើកនេះ ភាគីអាមេរិកយកអ្វីដែលហៅថា “សន្តិសុខជាតិ”ធ្វើជាលេសដើម្បីកម្មវិធី TikTok គឺស្រដៀងគ្នានឹងទង្វើដែលអាមេរិកប្រព្រឹត្តចំពោះសហគ្រាសចិន ដូចជា ក្រុមហ៊ុន HUAWEI ជាដើម ។ ពេលថ្មីៗកន្លងទៅនេះ លោក Mark Lemley សាស្ត្រាចារ្យនៃសកលវិទ្យាល័យ Stanford បានថ្លែងនៅពេលផ្តល់បទសម្ភាសន៍ជាមួយ CNN ថា គ្មានភស្តុតាងជាក់ស្តែងបង្ហាញថា TikTok បានបង្កើតជាការគំរាមកំហែងចំពោះសន្តិសុខជាតិរបស់អាមេរិកនោះទេ ។ ហើយមតិប៉ែកខាងលិចក៏បានសម្គាល់ឃើញជាទូទៅថា អ្វីដែលហៅថា “សន្តិសុខជាតិ”គ្រាន់តែជាការចោទប្រកាន់ដែលភាគីអាមេរិកបានប្រឌិតដើម្បីដាក់សម្ពាធទៅលើសហគ្រាសវិទ្យាសាស្ត្រនិងបច្ចេកវិទ្យាខ្ពស់របស់ចិននិងបំផុសសង្គ្រាមវិទ្យាសាស្ត្រនិងបច្ចេកវិទ្យាចំពោះប្រទេសចិន ។
ជាយូរយារណាស់មកហើយ TikTok បានធ្វើសកម្មភាពពាណិជ្ជកម្មតាមគោលការណ៍ទីផ្សារនិងក្រឹត្យក្រមអន្តរជាតិនៅសហរដ្ឋអាមេរិក គោរពតាមច្បាប់នៃសហរដ្ឋអាមេរិក ទិន្នន័យរបស់អ្នកប្រើប្រាស់សហរដ្ឋអាមេរិកសុទ្ធតែស្តុកទុកក្នុងប្រទេសអាមេរិក ព្រមទាំងផ្តល់ការគាំទ្រខាងចម្លងទុកនៅសិង្ហបុរីទៀតផង ។ អ្នកនយោបាយអាមេរិកមួលបង្កាច់ TikTok ថា ជា“ឧបករណ៍ស៊ើបការណ៍”របស់ចិន គឺជាកលល្បិចខាងនយោបាយនិងការទម្លាក់កំហុសទាំងស្រុង ក្នុងគោលបំណងប្រែបញ្ហាសេដ្ឋកិច្ចឱ្យទៅជាកិច្ចការនយោបាយ ។
តាមការពិត ប៉ុន្មានឆ្នាំកន្លងទៅនេះ អ្នកនយោបាយអាមេរិកតែងតែប្រើមធ្យោបាយអាក្រក់ទៅដាក់សម្ពាធទៅលើសហគ្រាសចិន អ្នកផងទាំងពួងអាចឃើញយ៉ាងច្បាស់ថា អ្វីដែលហៅថា សេដ្ឋកិច្ចទីផ្សារនិងការប្រកួតប្រជែងដោយសមភាព គ្រាន់តែជាឧបករណ៍នៃអ្នកនយោបាយអាមេរិកប៉ុណ្ណោះ ៕
