ពេលកន្លងទៅថ្មីៗនេះ លោកPompeoរដ្ឋមន្រ្តីការបរទេសអាមេរិកបានថ្លែងសុន្ទរកថាប្រឆាំងចិននៅបណ្ណាល័យNixon។វេបសាយទស្សនាវដ្តី«The New Yorker»អាមេរិកបានចេញផ្សាយអត្ថបទបង្ហាញថា សុន្ទរកថាប្រឆាំងចិនរបស់លោកPompeoបានធ្វើឱ្យប៉ះពាល់ដល់ផលប្រយោជន៍វែងឆ្ងាយរបស់អាមេរិក គោលនយោបាយចំពោះប្រទេសចិនរបស់រដ្ឋាភិបាលអាមេរិកអាណត្តិនេះក៏ដូចគោលនយោបាយការទូតដទៃទៀតដែរ គឺពិតជានឹងត្រូវបរាជ័យជាមិនខាន។
អត្ថបទបានដកស្រង់សុន្ទរកថាមួយលើករបស់លោកZoellickអតីតប្រធានធនាគារពិភពលោកកាលពីខែកក្កដាឆ្នាំនេះថា ជិត២០ឆ្នាំកន្លងមក ប្រទេសចិនបានរួមចំណែកធំបំផុតដល់កំណើនជាសកល ហើយក៏ជាគោលដៅឆាប់ឈានដល់បំផុតនៃកំណើននាំចេញរបស់អាមេរិកផងដែរ។
ទស្សនាវដ្តី«The New Yorker»បានផ្សាយដំណឹងថា លោកKurt Campbellអតីតជំនួយការរដ្ឋមន្រ្តីការបរទេសអាមេរិកបានថ្លែងថា ប្រទេសចិននឹងឈរនៅឋានៈដ៏សំខាន់បំផុតក្នុងគោលនយោបាយការទូតជាច្រើនជំនាន់នៅពេលអនាគតរបស់អាមេរិក ប៉ុន្តែ គោលនយោបាយចំពោះប្រទេសចិនរបស់អាមេរិកបច្ចុប្បន្នបែរជាបណ្តាលឱ្យទំនាក់ទំនងរវាងប្រទេសទាំងពីរឈានទៅរកការប្រកួតប្រជែងខុសធម្មតានិងការបដិបក្ខគ្នាដែលនឹងបណ្តាលឱ្យមានផលវិបាកដែលពិបាកប៉ាន់ប្រមាណ ៕
