ថ្ងៃទី២៨ខែកក្កដា លោក ស៊ី ជីនភីង ប្រធានរដ្ឋចិនបានថ្លែងសុន្ទរកថាក្នុងពិធី សម្ពោធបើកនៃកិច្ចប្រជុំប្រចាំឆ្នាំលើកទី៥ របស់ក្រុមប្រឹក្សាធនាគារវិនិយោគហេដ្ឋារចនាសម្ព័ន្ធអាស៊ីតាមប្រព័ន្ធវីដេអូ។
លោក ស៊ី ជីនភីង បានសំដែងការអបអរសាទរចំពោះកិច្ចប្រជុំលើកនេះ ហើយវាយតម្លៃយ៉ាងវិជ្ជមានចំពោះការអភិវឌ្ឍជាបន្តបន្ទាប់នៃធនាគារវិនិយោគហេដ្ឋារចនាសម្ព័ន្ធអាស៊ីលោកបានគូសបញ្ជាក់ថា ធនាគារនេះគួរក្លាយជាវេទិកាថ្មីដើម្បីជំរុញការអភិវឌ្ឍរួមរបស់បណ្តាប្រទេសជាសមាជិកនិងការកសាងសហគមន៍រួមវាសនារបស់មនុស្សជាតិ។
លោក ស៊ី ជីនភីង បន្តថា ធនាគារវិនិយោគហេដ្ឋារចនាសម្ព័ន្ធទ្វីបអាស៊ីបានដំណើរការអស់រយៈពេលជាង៤ឆ្នាំដោយប្រកាន់ខ្ជាប់នូវលក្ខណៈអន្តរជាតិ បទដ្ឋាននិងស្តង់ដារខ្ពស់ ហើយបានសម្រេចការចាប់ផ្តើមដ៏ល្អ ដែលពីសមាជិកស្ថាបនិកចំនួន ៥៧ ប្រទេសនៅពេលដំបូង អភិវឌ្ឍដល់មានសមាជិក១០២ប្រទេសនាពេលបច្ចុប្បន្នដែលមកពីទ្វីបចំនួន៦ មានមិត្តភក្តនិងដៃគូកាន់តែដៃគូល្អៗកាន់តែច្រើន ហើយគុណភាពនៃកិច្ចសហប្រតិបត្តិការក៏កាន់តែខ្ពស់ឡើង ។
លោក ស៊ី ជីនភីងបានគូសបញ្ជាក់ថា មនុស្សជាតិគឺជាសហគមន៍រួមវាសនាតែមួយដែលមានតែគាំទ្រគ្នាទៅវិញទៅមក និងសាមគ្គីគ្នាធ្វើកិច្ចសហប្រតិបត្តិការទើបជាមធ្យោបាយដ៏ត្រឹមត្រូវដើម្បីយកជ័យជម្នះលើវិបត្តិ។
ទី១ ផ្តោតសំខាន់ទៅលើការអភិវឌ្ឍរួម ទី២ ហ៊ានធ្វើការត្រួសត្រាយនិងច្នៃប្រឌិតថ្មី ទី៣ធ្វើការប្រតិបត្តិការដ៏ល្អបំផុត ទី៤ ប្រកាន់ខ្ជាប់ការបើកទូលាយនិងបរិយប័ន្ន ដើម្បីធ្វើឱ្យធនាគារវិនិយោគហេដ្ឋារចនាសម្ព័ន្ធអាស៊ីក្លាយទៅជាគំរូថ្មីនៃកិច្ចសហប្រតិបត្តិការពហុភាគីអន្តរជាតិ។
លោក ស៊ី ជីនភីង បានគូសបញ្ជាក់ទៀតថា ប្រទេសចិនប្រកាន់ខ្ជាប់ នូវពហុភាគីនិយម និង អនុវត្តតាមពហុភាគីនិយម និងស្វែងរកការអភិវឌ្ឍរួមគ្នាជាមួយបណ្តាប្រទេសនានាលើពិភពលោកតាមរយៈស្មារតីការបើកទូលាយ កិច្ចសហប្រតិបត្តិការនិងឈ្នះ-ឈ្នះ ។ ប្រទេសចិននឹងបន្តសហការជាមួយបណ្តាប្រទេសជាសមាជិក ក្នុងការគាំទ្រនិងធ្វើឱ្យធនាគារវិនិយោគហេដ្ឋារចនាសម្ព័ន្ធអាស៊ីដំណើរការបានកាន់តែល្អ និងរួមវិភាគទានកាន់តែច្រើនដល់សហគមន៍អន្តរជាតិក្នុងការទប់ទល់នឹងហានិភ័យនិងបញ្ហាប្រឈមនានានិងសម្រេចបាននូវការអភិវឌ្ឍន៍រួមគ្នា៕