កាលពីថ្ងៃទី ១៣ ខែកក្កដា តាមម៉ោងនៅក្នុងតំបន់ អង្គការស្បៀងអាហារនិងកសិកម្មនៃអង្គការសហប្រជាជាតិ មូលនិធិអន្តរជាតិសម្រាប់ការអភិវឌ្ឍកសិកម្មនៃអង្គការសហប្រជាជាតិ មូលនិធិកុមារអង្គការសហប្រជាជាតិនិងកម្មវិធីស្បៀងអាហារពិភពលោកព្រមទាំងអង្គការសុខភាពពិភពលោករួមគ្នាចេញ<របាយការណ៍ស្តីពីសន្តិសុខស្បៀងនិងស្ថានភាពអាហារូបត្ថម្ភនៅលើពិភពលោកក្នុងឆ្នាំ ២០២០ >។តាមការប៉ាន់ស្មានបច្ចុប្បន្នឱ្យដឹងថា មានមនុស្សចំនួន ជិត ៦៩០ លាននាក់កំពុងរងភាពអត់ឃ្លានដែលស្មើនឹង ៨,៩ ភាគរយនៃចំនួនប្រជាជនទូទាំងពិភពលោក។
របាយការណ៍បានបង្ហាញថា ដោយសារតែការរីករាលដាលនៃជំងឺកូវីដ ១៩ បានបង្កផលប៉ះពាល់ចំពោះសុខភាពនិងសេដ្ឋកិច្ចសង្គម បានជាធ្វើឱ្យសន្តិសុខស្បៀងនិងស្ថានភាពអាហារូបត្ថម្ភរបស់ក្រុមមនុស្សងាយរងគ្រោះជាច្រើនមានភាពអាប់អួថែមមួយកម្រិតទៀត។ការវាយតម្លៃជាបឋមបង្ហាញថា ការរីករាលដាលនៃវីរុសជំងឺកូវីដ ១៩ ឆ្នាំ ២០១៩ មានលទ្ធភាពបណ្តាលឱ្យចំនួនមនុស្សកង្វះខាតអាហារូបត្ថម្ភនៅទូទាំងពិភពលោកនឹងកើនឡើងពី ៨៣ លាននាក់ដល់ ១៣២ លាននាក់នៅក្នុងឆ្នាំ ២០២០ ។
របាយការណ៍នេះក៏បានបន្ថែមការព្យាករណ៍សម្រាប់ទស្សនវិស័យពិភពលោកឆ្នាំ ២០៣០ ផងដែរ។របាយការណ៍នេះបានបង្ហាញថា វានៅមានគម្លាតយ៉ាងខ្លាំងពីការសម្រេចគោលដៅបំបាត់ភាពអត់ឃ្លាននៅឆ្នាំ ២០៣០ ៕
