ថ្ងៃទី១៤ ខែកក្កដា សមាគមសិក្សាស្រាវជ្រាវអំពីសិទ្ធិមនុស្សនៃប្រទេសចិនបានចេញផ្សាយអត្ថបទ មានចំណងជើងថា «គម្លាតឆ្ងាយដាច់ពីគ្នារវាងអ្នកមាននិងអ្នកក្របណ្តាលឱ្យបញ្ហាសិទិ្ធមនុស្សរបស់អាមេរិកមានភាពកាន់តែធ្ងន់ធ្ងរពីមួយថ្ងៃទៅមួយថ្ងៃ» ដោយបានយកការពិតជាក់ស្តែងនិងទិន្នន័យជាអំណះអំណាង ក្នុងន័យលាតត្រដាងពីគម្លាតឆ្ងាយដាច់ពីគ្នារវាងអ្នកមាននិងអ្នកក្របណ្តាលឱ្យបញ្ហាសិទិ្ធមនុស្សរបស់អាមេរិកមានភាពកាន់តែធ្ងន់ធ្ងរពីមួយថ្ងៃទៅមួយថ្ងៃ ។
អត្ថបទបានបង្ហាញថា អាមេរិកបានទៅជាប្រទេសប៉ែកខាងលិចមួយដែលមានគម្លាតរវាងអ្នកមាននិងអ្នកក្រធំជាងគេ ដោយមានជនជាតិអាមេរិកចំនួន៤០លាននាក់រស់នៅក្នុងភាពក្រីក្រ និងមាន១៨លាន៥សែននាក់រស់នៅក្នុងភាពក្រីក្របំផុត ។ គម្លាតឆ្ងាយដាច់ពីគ្នាបែបនេះបណ្តាលឱ្យវិបតិ្តសុខាភិបាលសាធារណៈមានភាពកាន់តែធ្ងន់ធ្ងរថែមទៀត មធ្យមភាគនៃអាយុកាលតាមការប៉ាន់ប្រមាណបានធ្លាក់ចុះ ហើយអត្រាធ្វើអត្តឃាតបានកើនឡើង ។
អត្ថបទបានបង្ហាញទៀតថា មូលហេតុបណ្តាលឱ្យអាមេរិកមានគម្លាតឆ្ងាយដាច់ពីគ្នារវាងអ្នកមាននិងអ្នកក្រមិនមែនជារឿងចៃដន្យឬមួយក៏ក្នុងវដ្តណាមួយនោះទេ គឺដោយសាររបបប្រជាធិបតេយ្យរបស់អាមេរិកមិនផ្តោតសំខាន់ទៅលើសិទិ្ធរបស់ប្រជាពលរដ្ឋលើវិស័យសេដ្ឋកិច្ច សង្គមនិងវប្បធម៌ បានបណ្តាលឱ្យបញ្ហាមានគម្លាតឆ្ងាយដាច់ពីគ្នារវាងអ្នកមាននិងអ្នកក្រមានភាពកាន់តែធ្ងន់ធ្ងរទៅៗ ដូច្នេះផលប៉ះពាល់អវិជ្ជមានចំពោះសិទ្ធិទទួលបាននិងការសម្រេចបាននូវសិទ្ធិមនុស្សរបស់ប្រជាពលរដ្ឋអាមេរិកក៏នឹងមានភាពកាន់តែធ្ងន់ធ្ងរឡើងផងដែរ ៕
